1. 'n OOV Raadplegende Beheerliggaamkonferensie word gehou op 30 Augustus 2008. Die Raadplegende Konferensie sal hoofsaaklik konsentreer op die rolle en verantwoordelikhede van die sentrumbeheerliggame.
2. Die voorgestelde program vir die konferensie is aangeheg. (Bylae B)
3. Die konferensie sal gehou word in die Raadskamer van die Kaapstadse Burgersentrum. Dit sal om 08h30 begin en om 15h00 eindig.
4. Ondergrondse parkering is gereel by die Kaapstadse Burgersentrum via Old Marine Rylaan.
5. Elke OOV-gemeenskapsleersentrum moet drie verteenwoordigers (d.w.s. die Sentrum-bestuurder, voorsitter van die beheerliggaam en 'n leerder) na die konferensie stuur. Elke sentrum moet die name van sy verteenwoordigers aanstuur na die OOV Distrikskoördineerder vir registrasiedoeleindes deur die aangehegte vorm te gebruik (Bylae A).
6. Oornagverblyf is gereël vir afgevaardigdes van die volgende distrikte vir 29 Augustus 2008 by die Fountain Hotel in Kaapstad (St George's Wandelhal, Kaapstad):

Kaapse WynlandWitzenberg GLS en Breederivier Wynland GLS
Overberg:Riviersonderend GLS en Overberg GLS
Eden & Sentrale Karoo:Kamanassie GLS, Hessekwa GLS, Knysna GLS, Oudtshoorn GLS, Beaufort-Wes en Karoo GLS, Siyafuna Ukufunda GLS, Die Ons Wêreld GLS, Franken GLS, Mosselbaai GLS, George GLS en Plettenbergbaai GLS
Weskus:FUGA GLS, Diazville GLS, St Helenabaai GLS, Van Rhynsdorp GLS, Porterville GLS en Ebenhaeser GLS
6.1 Hierdie afgevaardigdes sal hulle eie aandetes moet reël, maar sal ontbyt ontvang op 30 Augustus 2008.
6.2 Die WKOD sal nie afgevaardigdes vergoed vir uitgawes vir privaat telefoonoproepe of die verbruik van alkoholiese drank tydens hierdie tydperk nie.
7. Eise vir vervoeruitgawes

Afgevaardigdes moet aan die einde van die konferensie hulle voltooide eisvorms vir vervoer voorlê aan die OOV-IBB-Distrikskoördineerder. Dit is dus noodsaaklik dat elke afgevaardgde die volgende na die konferensie sal bring op die dag van die konferensie:

  • Registrasiebesonderhede van die voertuig wat hy of sy vir vervoer gebruik;
  • Sy of haar bankbesonderhede.
8. Navrae oor die konferensie kan gerig word aan mnr Bongani Xotyeni by e-posadres bxotyeni@pgwc.gov.za of faksno. 021 467 2268 of tel.no. 021 467 2609/2567.


GETEKEN: HA LEWIS
HOOF: ONDERWYS
DATUM: 2008:08:11

Bylae A: Registrasie vorm  (grootte: 9 KB)
Bylae B: Program vir OOV Raadplegende Beheerliggaam Konferensie  (grootte: 10 KB)