| 1.1 |
Hierdie riglyne is daarop gerig om te verseker dat opvoeders verbonde aan VOO-sentrums registreer by die Suid-Afrikaanse Raad vir Onderwysers. Die Raad is 'n statutêre liggaam wat tot stand gekom het deur die Wet op die Suid-Afrikaanse Onderwysraad (Wet 31 van 2000) om die status van die onderwysprofessie in Suid-Afrika te verhoog.
|
| 1.2 |
Die volgende is die doelwitte van die Wet op SARO:
- Om voorsiening te maak vir die registrasie van opvoeders
- Om die professionele ontwikkeling van opvoeders te bevorder
- Om etiese en professionele standaarde vir opvoeders op te stel, te handhaaf en te beskerm deur middel van die funksionering van die Raad
|
| 1.3 |
Hierdie wet verplig elke opvoeder, ingeslote VOO-opvoeders, om te registreer by SARO voor aanstelling in 'n onderwyspos. Geen persoon mag as opvoeder aangestel word tensy daardie persoon by SARO geregistreer is nie.
|
| 2. |
VEREISTES VIR REGISTRASIE
- 'n Opvoeder moet aansoek doen om registrasie of voorlopige registrasie by SARO deur die Raad se aansoekvorm te voltooi. Die opvoeder moet die voltooide aansoekvorm per geregistreerde pos, saam met gewaarmerkte afskrifte van kwalifikasiesertifikate en 'n posorder vir R60 (die vereiste registrasiegeld) aan SARO stuur.
- 'n Opvoeder moet voldoen aan die etiese standaarde soos vervat in die Kode van Professionele Etiek vir Opvoeders, en moet een van die volgende behaal het:
- Die minimum van 'n driejaar- postmatriek-onderwyskwalifikasie vir gematrikuleerdes (M + 3 of ROKW 13). In hierdie geval sal dit 'n VOO-diploma wees.
- Enige ander kwalifikasie wat deur SARO erken word vir registrasiedoeleindes
|
| 3. |
VOORLOPIGE REGISTRASIE (Hangende)
'n Voornemende opvoeder in sy of haar finale studiejaar kan voorlopig registreer by SARO, op voorwaarde dat bewys van registrasie vir 'n kursus wat uitloop op 'n professionele onderwyskwalifikasie getoon kan word. Vir die VOO-sektor sal dit iemand wees wat in besit is van 'n BOOV-sertifikaat en tans 'n BOOV-diplomakursus volg.
Sodra 'n onderwyskwalifikasie behaal is, moet die voornemende opvoeder aan die SARO-kantoor gewaarmerkte afskrifte van sy of haar kwalifikasiesertifikaat of -sertifikate en die identiteitsdokument lewer om te kwalifiseer vir volle registrasie.
|
| 4. |
VOORLOPIGE REGISTRASIE (Hangende)
'n Opvoeder met 'n driejaar- postmatriekkwalifikasie maar sonder 'n professionele onderwyskwalifikasie, wie se dienste deur 'n werkgewer benodig word, kan hierdie vorm van voorlopige registrasie verkry.
|
| 4.1 |
Vir die VOO-sektor sal dit 'n persoon wees met ROKW 11 met bewys van registrasie vir 'n kursus wat uitloop op 'n VOO-diploma.
|
| 4.2 |
Hierdie persoon sal voorlopig geregistreer word vir 'n periode van een jaar, gedurende welke tyd hy of sy die aan die vereistes vir die diploma sal moet voldoen om volle registrasie te verkry.
|
| 5. |
AANSOEK OM REGISTRASIE
Aangeheg vind ‘n aansoekvorm : hierdie vorm is ook verkrygbaar vanaf die SARO-webtuiste by www.sace.org.za en moet aan die volgende adres gepos word:
SARO
Privaatsak X127
Centurion
0046
|
GETEKEN: M MAAS-OLSEN
HOOF: ONDERWYS
DATUM: 2008:05:14
|