1. Die Wes-Kaap Onderwysdepartement (WKOD) sal op Saterdag, 19 Julie 2008 by Boland VOO-kollegesaal in Worcester (voorheen die Songe Onderwyskollege) 'n Interaktiewe VRL-konferensie hou.
2. Die doel van die konferensie is dat lede van die verskeie VRL-groepe in die provinsie met mekaar kan skakel en sekere onderwerpe kan bespreek. Die konferensie sal ook aan die leerders die geleentheid bied om sosiale kapitaal te ontwikkel wanneer hulle netwerke onder die onderskeie VRL'e in die skole en onderwysdistrikte skep, wat vir hulle as ondersteuningstrukture kan dien.
3. Skole word hiermee uitgenooi om aan die konferensie deel te neem. Die aangehegte registrasievorm moet ingevul word en nie later nie as Vrydag, 20 Junie 2008 aan meneer Ryan Erasmus van die Direktoraat: IBBB (faksnommer 021 467 2268) gefaks word.
4. Die konsepprogram is aangeheg.
5. Elke skool word versoek om twee lede van hulle VRL na die konferensie te stuur. Die twee lede van die VRL wat op die skoolbeheerliggaam (SBL) dien, moet dit bywoon.
6. Al die leerders by die konferensie moet op beide dae hulle skooluniforms aantrek en, waar van toepassing, hulle VRL-wapens dra.
7. Vervoer is vir leerders vanaf verskeie oplaaipunte in elke onderwysdistrik gereël. Hulle sal deur die onderwyserskakelbeamptes (OSB's) in hulle distrikte vergesel word. Hierdie oplaaipunte sal later aan skole deurgegee word.
8. Leerders moet hulle bagasie tot die minimum beperk en waardevolle items moet tuis gelaat word.
9. Leerders wat naby aan oplaaipunte woon, kan deur hulle ouers vervoer word of by die skool wat hulle bywoon, afgelaai word. Die VRL-koördineerder in die onderskeie onderwysdistrikte moet reël dat 'n opvoeder of OSB die leerders na 'n sentrale oplaaipunt bring en hulle ook by die sentrale punt oplaai wanneer hulle van die konferensie af terugkeer.
10. Die opvoeders wat die leerders na en van die sentrale oplaaipunt vervoer, mag 'n vervoereis indien deur 'n Z43-vorm, en 'n Reis-en-verblyfeisvorm in te vul.

11. Elke onderwysdistrik is versoek om een OSB vir elke dertig (30) VRL-lede te reël om die leerders te vergesel. Dit sal beteken dat ten minste 3 OSB's per bus die leerders sal vergesel.


12. Bring asseblief die inhoud van hierdie minuut onder die aandag van alle belanghebbendes.


GETEKEN: M MAAS-OLSEN
HOOF: ONDERWYS
DATUM: 2008:06:09

Registrasie- & Toelatingsvorm  (grootte: 29 KB)
Konsepprogram  (grootte: 31 KB)

Z43-vorm: Vervoereis  (grootte: 37 KB)
Reis-en-verblyfeisvorm ("Subsistence and Travelling Claim Form")  (grootte: 131 KB)