| 1. |
Die Direktoraat: Inrigtingsbestuur en Beheerbeplanning (IBBB) was daarvoor verantwoordelik om die Konferensie vir Verteenwoordigende Raad van Leerders (VRL) van 19 Julie 2008 te reël. Die IBBB wens hul opregte waardering uit te spreek aan die VRL leerders, opvoeders en amptenare wat die konferensie bygewoon het en dit so 'n waardevolle ondervinding gemaak het. |
| 2. |
Tydens die konferensie het die Direktoraat: IBBB onderneem om die dokumente oor die onderwerpe wat aangebied is, beskikbaar te stel aan alle skole en VRL-lede. |
| 3. |
Hierdie dokumente, plus addisionele inligting, is saamgestel in lęers en sal na alle skole versprei word vroeg in 2009. Bykomende onderwerpe kan in die toekoms by hierdie verwysingslęers gevoeg word en bygewerk word soos nodig.
|
| 4. |
Die verwysingslęers is vir gebruik deur die skool sowel as die VRL en moet by die skool gehou word. Wanneer iemand die lęer leen vir verwysingsdoeleindes, moet rekord gehou word van die naam van die lener, die datum waarop die lęer geleen is en die lener se handtekening. Wanneer die lener die lęer terugbesorg, moet die prinsipaal of OSB vir ontvangs van die lęer in die register teken. |
| 5. |
Die lęers bevat tans slegs Engelse weergawes van die dokumente. Die dokumente word egter tans in Afrikaans en Xhosa vertaal, en die vertalings sal op 'n later datum versprei word. Elke skool sal dus in besit wees van 'n Engelse weergawe en 'n tweede weergawe in die amptelike taal van sy keuse. |
| 6. |
Skole word dus versoek om die vorm wat by hierdie minuut aangeheg is te voltooi en terug te stuur voor 14 November 2008 om aan te dui in watter taal hulle die tweede lęer wil ontvang. Faks asseblief die voltooide vorm na mnr Ryan Erasmus, Direktoraat: IBBB by faks 021 467 9385. |
| 7. |
Die tweede lęer sal versend word sodra die voltooide vorm ontvang is. |
| 8. |
U samewerking sal waardeer word. |
GETEKEN: MI MAAS-OLSEN
HOOF: ONDERWYS
DATUM: 2008:10:29
|