Die volgende maatreëls word uitgestippel om 'n gladde oorgang te verseker ten opsigte van die prosesse en prosedures van die Nasionale Strategie vir Leerderprestasie in die lig van die herontwerpproses wat tans onderweg is in die WKOD.
Hulle is ook bedoel om bestaande prosedures te verbeter, te versterk en te verstewig om seker te maak dat skole wat minder as 60% in die Senior Sertifikaat-eksamen van 2007 behaal het, duidelike verbetering toon in die areas wat geïdentifiseer is.
| 1. |
Voortsetting van bestaande NSLP-programme
|
| 1.1 |
Let asseblief daarop dat intervensies en programme wat reeds beplan is deur distriksbeamptes wat tot op hede by skole diens gedoen het, moet voortgaan tot dit volledig afgehandel is. Dit beteken dat selfs al bevind sommige NSLP-skole hulle in nuwe distrikte of kringe, dit in die beste belang van die skool sou wees om die rigting wat tot hiertoe gevolg is te handhaaf.
|
| 1.2 |
Nuwe kringspanne en distriksbeamptes sal die leisels oorneem in sommige gevalle en voortgaan met hierdie programme. Indien nodig sal hulle dit aanvul, verbeter of bywerk, maar nie dit wat reeds in plek gebring is, staak nie. Enige afwyking van die program moet deur die Hoofdirekteur: Distrikte goedgekeur word.
Die bogenoemde verwys na intervensies soos die volgende:
- Toekenning van fondse vir spesifiek geïdentifiseerde programme
- Implementering van die Skoolverbeteringsplanne
- Mentorskapprogramme
- Weeklikse moniteringsbesoeke met sigbare teenwoordigheid
- Ekstra klasse / Saterdagklasse / Winter- en Lenteskole
- Voorsiening van ekstra LOOM en bronne
- Die NSLP Sigbare Verskil - Skoolsuiweringsveldtog
- Onderwyser- en leerdermotivering
|
| 1.3 |
Die NSLP-koördineerders moet 'n volle opsomming oor elke skool verskaf en al die inligting aangaande NSLP-programme, belangrikste prioriteite en die distriks- NSLP strategiese plan oordra aan die beamptes wat in die nuwe distrikte oorneem. Distrikte moet poog om die impak van die herontwerp op ondersteuning aan bestaande NSLP-programme so ver as moontlik te versag.
|
| 2. |
Belangrikste take vir die derde kwartaal Sperdatum
|
| 2.1 |
Verseker weeklikse moniterende skoolbesoeke vind plaas Eenmaal p.w (Distriksbeamptes van elke pillaar)
|
| 2.2 |
Voorlegging van resultate van Junie se gemeenskaplike eksamen aan HK en DvO Donderdag 17 Julie
|
| 2.3 |
Oudit van Leerprogramvoltooiing (ten opsigte van WKOD-pasaangeërs) Maandag, 18 Aug
|
| 2.4 |
Maandelikse monitering van opvoeder- en leerderafwesigheid Maandeliks
|
| 2.5 |
Rekords / Statistieke & beknopte besonderhede van bamptes se besoeke (per pillaar) aan LPS-skole Maandeliks
|
| 2.6 |
Kringspan tweekeer per week bygewerk Sien sperdatums
|
| 2.7 |
Maandelikse vorderingsverslae oor al die beplande intervensies (Sluit besonderhede in, bv. Roosters) Maandeliks
|
| 2.8 |
Kwartaallikse vorderingsoorsigvergaderings moet met personeel van elke NSLP-skool en kringspan gehou word Einde van derde kwartaal
|
| 2.9 |
Afneem van algemene provinsiale September-eksamen & voorlegging van uitslae September
|
| 2.10 |
Identifiseer en rapporteer alle prinsipale en opvoeders wat onderpresteer aan Hoofkantoor 21 Augustus 2008
|
| 3. |
Besonderhede
Ingevolge paragraaf 2.10 hierbo, moet prinsipale en opvoeders wat doelbewus voortgaan om by te dra tot die onderpresteer van skole op die program, duidelik geïdentifiseer word en moet 'n verslag op hierdie datum voorgelê word aan die Hoofkantoor vir aandag van die Direktoraat: Arbeidsverhoudinge.
|
| 4.1 |
Die kringspanbestuurder is die verantwoordelike beampte vir die NSLP-program.
|
| 4.2 |
Die kringspanbestuurder sal 'n tweeweeklikse statusverslag moet voorlê aan die distriksdirekteur om TOPCO by te werk oor die ontwikkeling van elke NSLP-skool.
|
| 4.3 |
Prosedure
- Kringspanbestuurder doen 'n bygewerkte voorlegging aan die distriksdirekteur op 'n tweeweeklikse basis.
- Distrikskoördineerder NSLP stel 'n tweeweeklikse verslag saam oor NSLP-kwessies vir die distrik.
- Die verslag word voorgelê deur die distrikskoördineerder NSLP aan die provinsiale koördineerder, wat 'n provinsiale verslag saamstel.
- Die verslag moet voorgelê word 2 dae voor die TOPCO-vergadering via die Hoofdirekteur. Distrikte
|
| 4.4 |
Sperdatums vir voorlegging van tweeweeklikse verslae.
- Vrydag, 25 Julie 2008
- Vrydag, 8 Augustus 2008
- Vrydag, 22 Augustus 2008
- Vrydag 5 September 2008
- Vrydag 19 September 2008
- Vrydag 10 Oktober 2008 Finale Verslag
|
| 5. |
Monitering van die Skoolverbeteringsplanne
|
| 5.1 |
Alle NSLP-skole is deeglik opgelei en gehelp om omvattende SVP's te ontwikkel. Hierdie SVP's is gemodereer deur distriksbeamptes en is goedgekeur en afgeteken deur elke distriksdirekteur. Elke lid van die kringspan moet in besit wees van die skool se verbeteringsplan asook van 'n afskrif van hulle strategie om die resultate te verbeter.
|
| 5.2 |
Kringspanne word versoek om te verseker dat planne wat voorgelê is, geïmplementeer word. 'n Vorderingsverslag aangaande hoeveel bereik is van die skool se SVP sal aan die einde van elke kwartaal aangevra word.
|
| 5.3 |
Afskrifte van hierdie dokumente kan verkry word van die distrikskoördineerder NSLP of die bogenoemde kantoorkontak.
|
| 6. |
Monitering van toegewysde fondse vir die verbetering van senior sertifikaat-uitslae
|
| 6.1 |
Aan elke NSLP-skool is 'n spesifieke bedrag toegeken in die periode Februarie tot Maart binne 'n spesifieke raamwerk. Skole het besigheidsplanne voorgelê, wat gemodereer is en teruggestuur is na skole voor hierdie planne op distriksvlak goedgekeur is.
|
| 6.2 |
Fondse vir die periode 1 April - 31 Maart 2009 is ook vrygestel en elke distrik moet hierdie fondse hanteer ingevolge die NSLP en WOFB-raamwerk. Distrikskoördineerders het 'n gedetailleerde sakeplan in hierdie verband ontwikkel.
|
| 6.3 |
Kringspanne en skoolgebaseerde bestuurslede word versoek om die gebruik van hierdie fondse streng te moniteer. 'n Verslag oor die uitgawe tot op datum moet voorgelê word teen 21 Augustus 2008.
|
| 6.4 |
Een van die sleutelprioriteite vir die gebruik van die fondse is dat die skool skoon moet wees. Klaskamers, toilette en speelgrondareas moet skoon wees. Kringspanne word versoek om seker te maak dat hierdie voorwaarde nagekom is.
|
| 7. |
Risiko-skole
Alle distrikte het ook skole geïdentifiseer wat die risiko loop om in 2008 te onderpresteer. Dit is skole wat tekens toon van lae uitslae of waar daar toenemend getuienis is dat die skool nie behoorlik bestuur word nie. Kringspanbestuurders word aangeraai om die huidige lys van risikoskole te hersien en te verseker dat hulle die risikoskole in elke kring geïdentifiseer en gemonitor het. Die lys van sekondêre skole wat geïdentifiseer is moet opgestel word met 'n kort kommentaar oor hoekom dit voorkom asof die skool 'n risko loop. Dit moet ingesluit word by die distriksverslag wat op 21 Augustus 2008 ingelewer moet wees.
|
| 8. |
Die rol van die NSLP-koördineerder en kringspanne
|
| 8.1 |
Die NSLP-koördineerder het die opdrag om hierdie program op distriksvlak te koördineer, verslag te doen daaroor en dit ten volle te bestuur, om te verseker dat die voorwaardes nagekom word.
|
| 8.2 |
Die NSLP-koördineerder werk nou saam met al die kringspanne om te verseker dat intervensies volgens plan plaasvind. Die NSLP-koördineerder moet nie gelaat word om die NSLP-program alleen in die kring te loods nie. Daar word vertrou dat kringspanne onderpresterende skole op 'n holistiese, koherente en geïntegreerde wyse sal ondersteun. Kringspanne sal dus die belangrike rol vervul om onderpresterende inrigtings te ontwikkel tot funksionele en dinamiese organisasies.
|
| 9. |
Die rol van die kringspanbestuurder
|
| 9.1 |
Een van die primêre funksies van die kringspanbestuurder is om onderpresterende inrigtings te laat verander op 'n holistiese, samehangende en geïntegreerde wyse. Om hierdie rede word kringspanbestuurders versoek om seker te maak dat daar 'n merkbare beweging is by onderpresterende inrigtings in vergelyking met waar hulle was aan die begin van hierdie proses.
|
| 9.2 |
Die kringspanbestuurder is die verantwoordelike beampte in hierdie opsig. Die LUR het te kenne gegee dat hy van voornemens is om van kringspanbestuurders te verwag om 'n prestasieooreenkoms te onderteken wat die name van NSLP-skole noem wat verbetering moet toon vir die 2008-09-periode vanaf hierdie punt.
|
| 10. |
'n Vergadering met die kringspanbestuurders en NSLP-koördineerders word beplan om met kollegas te beraadslaag oor die pad vorentoe ten opsigte van NSLP en om te verseker dat die bogenoemde ten volle bespreek word ingevolge die toepaslike beleidsraamwerke. Besonderhede van hierdie vergadering sal eersdaags aan almal wat betrokke is, aangestuur word.
|
GETEKEN: S. LINGELA
HOOF: ONDERWYS
DATUM: 2008:07:14
|