Die Kadetskap Werk-en-studieprogram is soos volg gestruktureer:
Fase 1
'n Groep van 20 - 25 suksesvolle aansoekers sal een keer per week op tydelike basis by twee MAKRO-winkels in die Wes-Kaap werk. (Daar sal seker gemaak word dat die impak op voorbereiding van 2008 se finale eksamen so klein as moontlik is.)
Voorgestelde tyd: Augustus tot Desember 2008
Fase 2
Aan die einde van 2008, wanneer die uitslae van hierdie kandidate bekend is, sal 'n verdere seleksieproses plaasvind en die top 10 kandidate sal 'n eenjaarkontrak aangebied word om by MAKRO te werk terwyl hulle by UNISA geregistreer word om 'n B.Com in bestuur te studeer.
Suksesvolle aansoekers sal
- deeltyds UNISA-lesings by plaaslike lokale in Kaapstad bywoon;
- indiensopleiding en toesig by Makro ontvang;
- waardevolle indienservaring in die winkel opdoen; en
- die geleentheid kry om deel te neem aan ander bestuursverwante opleiding in die maatskappy.
Hierna behoort die suksesvolle B.Com-graduandi 'n bestuursposisie in die maatskappy te verkry. |