1. Kuqapheleke ukuba kukho iskim sobuqhophololo bosetyenziso lweemali zesikolo esasikhankanywe kwiNgcaciso eMfutshane yoLawulo lweBhajethi 0005/2005 (Budget Management Minute 0005/2005) ka-Oktobha 2005. Izikolo ezibini kutshanje ziye zangamaxhoba eskim sobuqhophololo esilolu hlobo esiqhubekayo ngoku. Uyacelwa ukuba uqaphele le ndlela basebenza ngayo (modus operandi) abenzi bobuqhophololo ukuphepha ukuba ungathathelwa ngobuqhophololo iimali zesikolo:
1.1 Kwenziwa intlawulo yobuqhophololo kwi-akhawunti yesikolo.
1.2 Umenzi wobuqhophololo uye emva koko afonele isikolo, azenze ummeli wequmrhu likarhulumente, athi kwenziwe intlawulo ngempazamo kwi-akhawunti yesikolo aze acele ukuba makayibuyiselwe loo mali ngoko nangoko. Uye anike iphetshana lokufaka imali ebhankini njengobungqina.
1.3 Sakuba nje isikolo eso siyihlawule imali kwi-akhawunti ekhankanyiweyo, intlawulo yobuqhophololo iyahlatywa (cancelled).
2. Ziyabongozwa izikolo ukuba, xa ziye zafumene ifoni elolu hlobo, ziqaphele ezi zinto zilandelayo:
2.1 Zisijonge nasiphi na isicelo sokubuyiselwa imali ngeliso elikrokra kakhulu.
2.2 Okudla ngokwenzeka kolu lwaphulo-mthetho kukufakwa kwetshekhi ebhankini ngobuqhophololo, okuye kulandelwe liphetshana eliveliswa ngekhompyutha njengobungqina. Thetha nebhanki yakho uqinisekise ukunyaniseka kwemali efakiweyo.
2.3 Linda ixesha lesiqhelo lokuhlawulwa kwetshekhi yibhanki phambi kokucinga ngentlawulo yokubuyisela nayiphi na idiphozithi eyenziwe ngetshekhi.
2.4 Nakuphi na ukufakwa kwemali kwi-akhawunti yesikolo kumele kuphandisiswe phambi kokuba kucingwe ngayo nayiphi na intlawulo eyimbuyiselo.
2.5 Ungavumeli xinzelelo lokuba wenze naziphi na iintlawulo okutshiwo ngabantu abathi basuka kumaziko anjenge-SARS, u-Telkom okanye u-Eskom.
3. Uyacelwa wazise okubhalwe kule ngcaciso imfutshane bonke abachaphazelekayo.
4. Iya kuthakazelelwa intsebenziswano yakho malunga nalo mba.


ISAYINWE: NGU-EI MEYER
INTLOKO: YESEBE LEMFUNDO
UMHLA: 2008:03:11