1. INkcazo yeKharityhulam kaZwelonke (National Curriculum Statement) (NCS) kumaBakala 10 - 12 (Izifundo Ngokubanzi) njengangoku iphunyezwa ngezigaba ngezigaba ukususela ngo-2006 ukuya ku-2008. Njengoko inani elikhulu lootitshala beSebe leMfundo leNtshona Koloni (WCED) abaqeshwe isigxina bengenaqeqesho lupheleleyo (under-qualified) kwezi zifundo zikhankanywe apha ngasentla, iSebe i-WCED liya kwenza uqeqesho kootitshala abamalunga ne-70 ukwenzela ukuba bakwazi ukuphucula ulwazi lwabo lwesifundo nezakhono zokufundisa kwezi zifundo.
2. Ikhosi ye-ACE iya kufundiswa njengekhosi eyenziwa emva kweeyure zomsebenzi (part-time) ukususela ngoJanuwari 2009 ukuya kuDisemba 2010. Iya kukhokelela kwisiqinisekiso seNqanaba 6 leNQF kwaye idibanise iindlela zombini, eyokufunda ngembalelwano nokufunda eklasini ngeempela-veki nangeeholide zesikolo.
3. IYunivesithi yaseStellenbosch iya kubonelela ngale khosi.
4. ISebe i-WCED libonelela ngeebhasari ezihlawulela iifizi zokufunda nezokubhalisela iikhosi zombini. Ngethuba leeseshoni zokufunda eklasini, malunga ne-15 lootitshala kwisifundo ngasinye abavela kwiindawo ezisemaphandleni kuphela abaya kufumana indawo yokulala ngeendleko eziya kuhlawulwa yi-WCED kwiindawo zokuhlala zabafundi eYunivesithi yaseStellenbosch.
5. Iindleko zohambo ukuya nokubuya kwindawo yoqeqesho ziya kuhlawulelwa yi-WCED. Ootitshala baya kuzihlawulela iindleko zeencwadi nezezinto zokuncedisa ukufunda.
6. Kuya kukhethwa kule program ootitshala abayi-70 belonke, malunga ne-35 kwikhosi nganye.
7. Aba titshala balandelayo bafanelekile ukufumana iibhasari zezi khosi:
  • Ootitshala abaqeshwe isigxina liSebe iWCED (Kuya kukhethwa ootitshala abafundisa njengangoku ezi zifundo zikhankanywe apha ngasentla kumaBakala 10 - 12.)
  • Ootitshala abanediploma yeminyaka emithathu
  • Ootitshala abanesidanga nesiqinisekiso soqeqesho, kodwa bengenaso isiqinisekiso esifundelweyo kwezi zifundo zikhankanywe apha ngasentla
  • Ngokumalunga nekhosi ye-ACE kwiFizikhali Sayensi (Pyhsical Science), kufuneka ootitshala babe bapase iFizikhali Sayensi neMathematika kwiMatriki nokuba ngaba kukwiHlelo eliPhezulu okanye eliPhakathi (either the Higher or Standard Grade).
  • Ngokumalunga nekhosi ye-ACE kwiiSayensi zoBomi (Life Sciences), kufuneka ootitshala babe bapase iiSayensi zoBomi kwiMatriki, ubuncinane kwiHlelo eliPhakathi. (Kucetyiswa kakhulu ukuba babe bapase iFizikhali Sayensi.)
8. Ikhosi iya kubandakanya le miba ilandelayo yeNkcazo yeKharityhulam kaZwelonke yeMfundo yeFET (kumaBakala 10 - 12) kunye/okanye i-RNCS (GET):
  • Imigaqo ye-NCS kunye/okanye ye-RNCS
  • Iziphumo zokufunda nemigangatho yovavanyo
  • Iinkalo zolwazi (knowledge areas)
  • Indlela yokufundisa imfundo ejolise kwiziphumo (outcomes-based methodology) (iindlela zokufunda, zokufundisa nezovavanyo)
  • Ukukhethwa kwezinto zokuncedisa ukufunda (support material), kubandakanywa ne-software yekhompyutha
9. Iiseshoni zokufunda eklasini ziya kuqhubeka ngeeholide yaye iseshoni yokuqala yokufunda eklasini iya kuqhubeka ngoJanuwari 2009.
10. Ootitshala abanqwenela ukwenza isicelo sebhasari mabazalise ifom yesicelo eqhotyoshelweyo baze bayingenise kwiSebe leMfundo, kodwa ziqale zidlule kwiinqununu zezikolo zabo. Izicelo mazifike kule dilesi ilandelayo engadlulanga uLwesihlanu, we-8 Agasti 2008: 
Head: Education 
(Attention Mr TP Davids, Room 8-79A) 
Directorate: Internal Human Capital Management.
Western Cape Education Department 
Private Bag X9114
CAPE TOWN
8000
11. Iifom zesicelo nezemvumelwano ziya kufumaneka kwakhona kwiCandelo laBenzelwa iiNkonzo (Client Services) leSebe i-WCED kumgangatho wesibini eGrand Central Towers, eKapa.
12. Kucelwa niqaphele ukuba
  • akukho zicelo zifike emva kwexesha, zingabhalwanga zonke iinkcukacha, okanye ingabonakaliyo into ebhalwe kuzo ziya kuqwalaselwa; yaye
  • akukho zicelo zithunyelwe ngefeksi ziya kuqwalaselwa.

Kucelwa ukuba wazise okubhalwe kule ngcaciso imfutshane bonke abachaphazelekayo.



ISAYINWE: NGU-E. KIRSTEN
INTLOKO: YESEBE LEMFUNDO
UMHLA: 2008:07:01

Application form  (ubukhulu: 89 KB)
Agreement form  (ubukhulu: 23 KB)