| 1. |
Amabhaso kaZwelonke okuWonga ooTitshala athathela ingqalelo ukutshatshela kwezemfundo nemigangatho exhomileyo yokufundisa kwaye anika abo bakwinkonzo yezemfundo ithuba lokuvuyela impumelelo yootitshala abamsebenzi utshatshele ngokukodwa. Ngaphezulu, akwabonisa umsebenzi oqaqambe ngokukodwa owenziwa ngootitshala ngokubanzi. Ngako oko ke, iSebe leMfundo leNtshona Koloni linebhongo lokuba liza kubamba yaye liququzelele itheko lephondo lokunikezelwa kwamabhaso akhokelela kuMabhaso kaZwelonke okuWonga ooTitshala.
|
| 2. |
Amahlelo ahlukeneyo ala mabhaso ami ngolu hlobo:
- UKUTSHATSHELA EKUFUNDISENI KWIZIKOLO ZASEPRAYIMARI
- UKUTSHATSHELA EKUFUNDISENI KWIZIKOLO ZASESEKONDARI
- UKUTSHATSHELA KUBUNKOKELI KWINQANABA LASEPRAYIMARI
- UKUTSHATSHELA KUBUNKOKELI KWINQANABA LASESEKONDARI
- UKUTSHATSHELA KUPHUHLISO LWEMFUNDO YABANTWANA ABASAQALAYO (ECD)
- UKUTSHATSHELA EKUFUNDISENI KWIMFUNDO EBANDAKANYA WONKE
UMFUNDI NAKWIMFUNDO ENEEMFUNO EZIZODWA
- UKUTSHATSHELA EKUFUNDISENI ABEMFUNDO NOQEQESHO LWABADALA (ABET)
- IBHASO LOKUPHUMELELA KWIMFUNDO YEXESHA LONKE LOKUPHILA
|
| 3. |
Abawine kwiphondo baya kufumana umntu ngamnye ilephuthophu (laptop compyuter), ngeminqweno emihle yeSebe leMfundo leNtshona Koloni. |
| 4. |
Kuya kubakho kwakhona amabhaso ayimali ezikolo ekufundisa kuzo abo titshala bawine ngokumela amaqela asebenzisanayo (cluster winners), abawine kwiphondo nabawine kuzwelonke.
|
| 5. |
Izikhokelo zokunika ingcaciso neefom zokutyumba (eziqhotyoshelweyo) njengangoku zithunyelwa kuwo onke amaziko eSebe iWCED, kwakunye nakumaziko e-ABET nawe-ECD. Bonke ootitshala bayacelwa ukuba bathathe inxaxheba kule nkqubo ngokuthi bangenise amagama abatyunjiweyo (iikhrayitheriya nefomathi zikwizikhokelo zokunika ingcaciso) kwiinqununu zabo okanye kubaphathi bamaziko babo, abaya kuthi ke bona bazithumele ezo fom zokutyumba amagama ezizaliswe zonke iinkcukacha kwii-ofisi zezithili zemfundo zabo, ukuba ziqwalaselwe ngabaququzeleli bezithili. Ukuba ufuna ingcaciso engaphezulu, kucelwa uqhagamshelane nomnye waba baququzeleli bezithili.balandelayo:
| Eden & Central Karoo: | Dr Fernholdt Galant
Junita Muller | 028 713 2928
044 803 8300 |
Cape Winelands (excluding
Paarl & Stellenbosch) & Overberg: | Joaniel Pieterse
Japie Bailey | 023 348 4619
083 707 2197 |
West Coast (including
Stellenbosch & Paarl): | JA Mouton
Dr Michael le Cordeur | 022 482 2737
021 860 1200 |
| Metropole South: | Dryfus Jonas
Karen Dudley | 021 370 2000
082 691 6768 |
| Metropole East: | Zenna Grove | 021 900 7000 |
| Metropole North: | Trevor Adams
Spencer Tonkin | 021 938 3016
021 938 3033 |
| Metropole Central: | Alton Koenze | 021 659 4428/9 |
|
| 6. |
Kucelwa ukuba uqwalasele ezi zicatshulwa zilandelayo kwisikhokelo sokutyumba:
"The principal/centre manager must organise a nomination meeting that would include the School Governing Body (SGB)/Centre Governing Body (CGB) to discuss the nomination process."
"The staff and the SGB/CGB members of the school/centre must study the criteria requirements of each category and draw up attributes or qualities that would match their nominees with a particular given criteria."
"Once suitable teachers/teams have been nominated, their names must be filled in on the Nomination Forms provided."
|
| 7. |
Iqela elikhethiweyo malingabi nootitshala abangaphezu kwesihlanu.
|
| 8. |
Kunyanzelekile ukuba iinqununu nabaphathi bamaziko babambe intlanganiso yokutyumba amagama ungadlulanga umhla we-20 Juni 2008. Makugcinwe imizuzu yale ntlanganiso ize isiwe kumphathi wesekethe ukuba iqwalaselwe ngumququzeleli wesithili ochaphazelekayo.
|
| 9. |
Iinqununu nabaphathi bamaziko mabazalise isiHlomelo A esiqhotyoshelweyo baze basingenise kumphathi wesekethe, ungadlulanga umhla we-20 Juni 2008 ukuba siqwalaselwe ngumququzeleli wesithili ochaphazelekayo.
|
| 10. |
Ibhaso lemali elifunyenwe zizikolo okanye ngamaziko malisetyenziselwe ukuphuhlisa ootitshala ngenjongo yokuphucula umgangatho wokufundisa.
|
| 11. |
Umhla wokuvalwa kokwamkelwa kwazo zonke iifom zamagama atyunjiweyo ngowe-30 Juni 2008 nemazingeniswe kumququzeleli wesithili ochaphazelekayo.
|
| 12. |
Kucelwa wazise bonke ootitshala besikolo sakho okubhalwe kule ngcaciso imfutshane ukuze bakuthathele ingqalelo.
|
ISAYINWE: NGU-E. KIRSTEN
INTLOKO: YESEBE LEMFUNDO
UMHLA: 2008:06:03
|