| Umhla: | 2 ne-3 Oktobha 2008 |
| Indawo: | Cape Teaching and Leadership Institute,
Nooiensfontein Road, Kuils River |
| Amaxesha: | 2 Oktobha: 09:00 - 17:00
3 Oktobha: 08:30 - 14:00 |
| Ngubani omakaye? Ngootitshala beMathematika bamaBakala R - 9 |
|
|
| 1. |
ISebe leMfundo leNtshona Koloni (iSebe i-WCED) licela ootitshala beMathematika bamaBakala R - 9 ukuba bathathe inxaxheba kwiNkomfa yeziSombululo zeMathematika (Mathematics Solutions Conference) nokuba badlale indima njengabenzi benkcazo-ntetho (presenters) okanye njengabathathi-nxaxheba (participants).
|
| 2. |
Injongo
Injongo yale nkomfa kukunika imizekelo yeendlela ekunokufundiswa ngayo iMathematika ngempumelelo.
|
| 3. |
Ingcaciso elungiselelwe aBenzi beNkcazo-ntetho (Presenters)
|
| 3.1 |
Ootitshala abanomdla ekunikeni isifundo seMathematika okanye ekuthatheni inxaxheba kulo masifundisane “a best practice“ (“eyona ndlela ingcono yokufundisa”) oza kuqhutywa kule nkomfa kufuneka bakhokelwe zezi zinto zilandelayo:
- Isifundo okanye iphepha okanye umasifundisane othi ”How I teach it” (“Indlela endiyifundisa ngayo”) makasekelwe kwiMathematika yamaBakala R - 9 yeNkcazelo yeKharityhulam kaZwelonke (Grades R to 9 Mathematics National Curriculum Statement).
- Isifundo sifanele ukufundisa umba othile wesilabhasi yeMathematika kwibakala elithile.
- Abathathi-nxaxheba kufuneka bathathe inxaxheba kwisifundo okanye kumasifundisane.
- Ubude bexesha: ngama-60 emizuzu. Nika imizuzu emi-5-10 ukulungiselela ingxoxo yamaqela okanye imibuzo.
- Iindawo zendibano ziya kuba neetafile nezitulo onako ukuzifunqula, i-ovahedi projektha nebhodi.
- Zonke iiwekhishithi (worksheets) zenkomfa ziya kuqokelelwa ziprintwe zenziwe incwadana. Oku kuthetha ukuba akukho mfuneko yokuba abenzi nkcazo-ntetho beze nezinye iikopi eziprintiweyo, ngaphandle kokuba abathathi-nxaxheba bacelwa ukuba basike okanye basonge amaphepha eewekhishithi.
- Zonke izinto zokufunda ezingamaphepha kufuneka zichwethezwe zize ziprintwe kwiprinta yeleyiza (laser), ukuba kunako. ISebe i-WCED liya kuzidyuplikheyitha izinto zokufunda.
|
| 3.2 |
Ukuba unomdla wokwenza ingcaciso-ntetho ngomba othile nge-10 okanye i-11 Oktobha, uyacelwa uzalise isiHlomelo A esiqhotyoshelweyo uze usithumele ngefeksi kuMnu A. Lamprecht ngale nombolo yefeksi 021 900 5175 okanye usithumele kuye nge-imeyili apha alamprec@pgwc.gov.za, ungadlulanga owe-30 Apreli 2008.
|
| 4. |
Ingcaciso elungiselelwe aBathathi-nxaxheba
|
| 4.1 |
Ootitshala abanganqweneli kwenza nkcazo-ntetho ngomsebenzi wabo, kodwa benqwenela ukuya kwinkomfa, bayacelwa bazalise iinkcukacha zabo kuluhlu lwesikolo kwisiHlomelo B.
|
| 4.2 |
IsiHlomelo B esizalisiweyo masibuyiselwe kuMnu A. Lamprecht ngale dilesi ye-imeyili
alamprec@pgwc.gov.za okanye kuKnkszn G Matthews ngale dilesi ye-imeyili gmatthew@pgwc.gov.za okanye sifekselwe apha 021 900 5175, ungekadluli owe-31 Julayi 2008.
|
| 4.3 |
Iprogram yenkomfa iya kubandakanya iingxoxo zephaneli yeplinari neeseshoni eziqhubeka ngaxeshanye (parallel sessions) ezenziwa ngabathathi-nxaxheba. Izikolo ezibhalisela inkomfa ziya kufumana iinkcukacha zeprogram yenkomfa ungadlulanga owe-25 Septemba 2008.
|
| 5. |
Amalungiselelo
Abathathi-nxaxheba okanye abenzi nkcazo-ntetho abasuka kwii-ofisi zezithili ezisemaphandleni abahamba umgama ongaphezu kwe-120 km ngohambo lokuya nokubuya bangalala kwihostele yaseCape Teaching and Leadership Institute ngokuhlwa kwangoLwesine, we-2 Oktobha 2008. Indawo yokuhlala iya kuhlawulwa liSebe i-WCED. Iindleko zokuhamba aziyi kuhlawulwa liSebe i-WCED.
|
| 6. |
ISebe i-WCED linethemba lokuba kuya kuvunwa lukhulu kule nkomfa ngabo bonke ootitshala beMathematika abaya kuya kuyo.
|
ISAYINWE: NGU-ED KIRSTEN
INTLOKO: YESEBE LEMFUNDO
UMHLA: 2008:04:09
|