| 1. |
I-WCED inovuyo ukwazisa ukuba iibhasari ziya kufumaneka kootitshala abanqwenela ukufunda bafumane i-Advanced Certificate in Education (ACE). |
| 2. |
Aba bantu balandelayo banako ukufaka isicelo:
- Ootitshala abaqeshwe isigxina
- Ootitshala abaneziqinisekiso zemfundo, o.k.t. ootitshala abane-REQV 13 (M + 3) okanye ngaphezu koko kwinqanaba lesiqinisekiso semfundo
- Ootitshala abazanelisayo iimfuno zokwamkelwa zaloo yunivesithi ichaphazelekayo (Funda isiHlomelo A)
- Ootitshala abangenabhasari karhulumente iyenye bayifumanayo okanye nayiphi na enye ibhasari
|
| 3. |
Injongo yezi khosi kukuphucula iziqinisekiso zootitshala, ulwazi neendlela zokufundisa izifundo ezifundiswayo. |
| 4. |
Ezi khosi ze-ACE ziya kufundiswa ngokungesogxina kwithuba leminyaka emibini (ukususela ngoJanuwari 2009 ukuya kutsho kuDisemba 2010). Ikhosi nganye iya kukhokelela kwisiqinisekiso seNqanaba 6 seNQF kwaye ibandakanya zombini iiseshoni, eyokufunda eklasini (phakathi evekini, ngeempela-veki nangeeholide) neyokufunda ngembalelwano.
|
| 5. |
Ibhasari nganye iya kuhlawula iifizi zokubhalisa nokufunda. |
| 6. |
Ngootitshala abasuka kwiindawo ezisemaphandleni kuphela abaya kubonelelwa ngendawo yokulala, elungiselelwa yiyunivesithi ekungenwe kwimvumelwano nayo okanye yi-WCED. |
| 7. |
Iindleko zothutho ukuya nokubuya kwindawo yoqeqesho ziya kuhlawulwa yi-WCED. |
| 8. |
Ootitshala baya kuzihlawulela ngokwabo iindleko zezinto zabo zokuncedisa ukufunda (learning support material), apho kusebenzayo oku. |
| 9. |
Bayacelwa ootitshala abanqwenela ukuba bathathelwe ingqwalaselo yokuba bafumane ibhasari yekhosi ukuba bazalise iziHlomelo B no-C baze bazingenise kwiSebe leMfundo, ziqale zidlule kwiinqununu zezikolo zabo. Izicelo mazifike kule dilesi ilandelayo ungagqithanga uLwesihlanu, 7 Novemba 2008:
The Head: Education
For attention: Mr TP Davids (Room 8-79 A)
Directorate: Internal Human Capital Development
Western Cape Education Department
Private Bag X9114
Cape Town
8000
|
| 10. |
Izicelo zinokufakwa kwakhona kwibhokisi ephawulwe "Directorate: Internal Human Capital Development" ebekwe kwifoya yomnyango omkhulu kwaNdlunkulu weSebe i-WCED eGrand Central Towers, Cape Town. |
| 11. |
Iifom zezicelo neefom zemvumelwano ziqhotyoshelwe apha kule ngcaciso imfutshane. Iikopi zezi fom ziyafumaneka kwakhona kwicandelo laBenzelwa iiNkonzo (Client Service) kwiSebe i-WCED kumgangatho wesibini e-Grand Central Towers, Cape Town. |
| 12. |
Kucelwa uqaphele ukuba
- Akukho zicelo zingazaliswanga zonke iinkcukacha okanye ingabonakaliyo into ebhalwe kuzo ziya kuqwalaselwa; kwaye
- akukho zicelo zithunyelwe ngefeksi ziya kwamkelwa.
|
| 13. |
QAPHELA: Akukho zicelo zifike kade emva komhla wokuvala ziya kuqwalaselwa. |
| 14. |
QAPHELA:
- Igama lekhosi ye-ACE kunye neyunivesithi ekhethwe nguwe mazibhalwe ngokucacileyo kwifom yesicelo.
- Iikopi eziqinisekisiweyo zesatifikethi sakho sematriki, isiqinisekiso semfundo (iziqinisekiso zemfundo) kunye /okanye isiqinisekiso sokuqeqeshelwa umsebenzi kunye nekopi yesazisi (ID) mazingeniswe kunye nesiselo sakho.
- Ukuba wenza izicelo zebhasari ezingaphezu kwesinye, makungeniswe izicelo ezahlukeneyo.
|
| 15. |
IKomiti yeBhasari iya kuqwalasela ize ijonge kuqala zonke izicelo ize izibeke ngokweemfuno eziphambili (prioritise), emva koko yenze iingcebiso malunga nokukhutshwa kweebhasari. |
| 16. |
Ngamnye umenzi-sicelo ophumeleleyo uya kulindeleka ukuba angene kwimvumelwano emiselwe ngokomgaqo neSebe i-WCED yokuba anike inkonzo yonyaka omnye ngonyaka ngamnye athe wanikwa ngawo ibhasari, nokuba athobele neminye imigqaliselo ekhankanywe kwimvumelwano leyo. |
| 17. |
Kucelwa uqinisekise ukuba okubhalwe kule ngcaciso imfutshane kwaziswa bonke ootitshala ukuze bakuthathele ingqalelo. |
ISAYINWE: NGU- ED KIRSTEN
INTLOKO: YESEBE LEMFUNDO
UMHLA: 2008:10:17
|