| 1. |
I-Cape Teaching & Leadership Institute (CTLI) iya kuqhuba iikhosi eziboniswe kwiziHlomelo A, B, C no-D, zootitshala nabaphathi bezikolo ngethuba leekota zonyaka wesikolo ngo-2009. |
| 3. |
Ikhosi enye iphindwa amaxesha amaninzi ukwenzela ukuba amaqela ootitshala ahlukeneyo akwazi ukuza kuyo. |
| 4. |
Kuphela ngootitshala abayi-56 abanokubhaliswa ngekhosi nganye. Aba titshala baya kuthathwa kuzo zosibhozo izithili zemfundo zephondo. Oku kuthetha ukuba kuphela linani eliqingqiweyo lootitshala abanokuza ngethuba ngalinye. |
| 5. |
Iikhosi ezithatha ithuba leeveki ezine zahlulwe zaba ziibloko ezimbini ukwenzela ukuba ootitshala babuyele ezikolweni baze baphumeze uqeqesho olo. |
| 5.1 |
Utitshala makaye kuzo zombini iibloko, eyokuqala neyesibini, yekhosi efanayo ukuze agqibe ikhosi epheleleyo: umz. ukuba utitshala ukhetha ukuya kwikhosi yesi-3 ye-Foundation Phase Numeracy, uya kuya kwibloko yokuqala yale khosi eqala nge-2 Februwari ukuya kwi-13 Februwari 2009 aze abuye eze kugqiba ikhosi ngokuza kwibloko yesibini eqala nge-25 Meyi ukuya kwi-5 Juni 2009. |
| 5.2 |
Akuyi kuvunyelwa ukutshintshanisa iibloko zeekhosi ezahlukeneyo. |
| 5.3 |
Ngako oko ke, ootitshala mabakhethe iikhosi eziya kuqhubeka ngamaxesha abaya kufumaneka ngawo ukuze beze kwikhosi epheleleyo. |
| 6. |
Amagama abatyunjiweyo avela kumagosa ezithili ukulungiselela iikhosi eziqhutywa ngekota yokuqala ku-2009 makafike eCTLI phambi kwe-28 Novemba 2008 ukwenzela ukulungiselela inkqubo yobhaliso engenamaginxi-gingxi kwiKota 1 ka-2009. |
| 7. |
Ukuba ufuna ingcaciso engaphezulu kucelwa ungathandabuzi uqhagamshelane noNobantu Pasiya kule nombolo yefoni: 021 900 5022 okanye ngale imeyili:npasiya@pgwc.gov.za. |
| 8. |
8. Kucelwa wazise okukule ngcaciso imfutshane bonke ootitshala ukuze bakuthathele ingqalelo.
|
ISAYINWE: NGU- ED KIRSTEN
INTLOKO: YESEBE LEMFUNDO
UMHLA: 2008:10:20
|