1. Die nasionale Onderwysdepartement is besig om 'n databasis op te stel van die skoolgeld en ander relevante data van openbare gewone skole.
2. Hierdie opname is die derde een vir die openbare gewone skole en dit sal vir die volgende paar jaar jaarliks gedoen word. Ten einde die proses te verbeter, is besluit om die data elektronies in te samel. 'n Vorm wat deur alle openbare gewone skole ingevul moet word, is op SOBIS geskep. Die volgende stappe moet gevolg word:
2.1 Log aan op SOBIS. Daar is 'n boodskap op een van die eerste skerms wat die prosedure aanbeveel.
2.2 Beweeg die pyltjie oor die "Surveys"-kiesitem op SOBIS en kliek op "School fee survey 2007".
  • Druk asseblief elke opnamebladsy uit en oorhandig dit aan die prinsipaal. Die prinsipaal kan die invul van die opname delegeer, maar is aanspreeklik vir die akkuraatheid van die data wat voorsien word.
  • Die prinsipaal moet die ingevulde bladsye onderteken, en die inligting moet dan deur die skool se SOBIS-verwerker ingevoer word.
  • Die data moet noukeurig aanlyn op SOBIS ingevoer word.
  • Die verwerker moet die bladsye soos wat hulle aanlyn ingevul is aan die prinsipaal oorhandig vir ondertekening en die oorspronklike en die uitgedrukte bladsye by die skool liasseer omdat hulle dalk vir ouditdoeleindes benodig sal word.
  • Die AFTEKEN- (SIGN-OFF) bladsy moet op SOBIS ingevul word. Die aftekendatum sal op elke deel van die opname aangetoon word.
  • Die opname moet aanlyn ingedien word.
3. Hierdie opname moet so naby as moontlik aan 22 Augustus 2008 aanlyn gedoen word. Die vordering met betrekking tot die invul van die aanlynopname sal gemonitor word, omdat die data by die nasionale Departement van Onderwys ingedien moet word sodat verslae aan die Minister van Onderwys voorgelê kan word.
4. Prinsipale en amptenare word by voorbaat bedank dat hulle hulle skole se skoolgeldopname teen nie later nie as 26 Augustus 2008 sal indien.
5. Die finansiële data wat verstrek word, moet ooreenstem met die inligting wat in die 2007 ge-ouditeerde finansiële state van die skole verskyn.
6. Navrae oor die invul van die vorm kan gerig word aan: 
Naam              Telefoonnommer
Me N Davids          021 467 2180
Me I Van Niekerk     021 467 2181
U samewerking met die bestuur van hierdie opname word hoog op prys gestel.


GETEKEN: EI MEYER
HOOF: ONDERWYS
DATUM: 2008:08:01