| 1. |
U word verwys na Begrotingsbestuursminuut 0004/2004 waarin openbare skole en gemeenskapsleersentrums versoek is om 'n opnamevorm soortgelyk aan die aangehegte opnamevorm te voltooi en in te dien.
|
| 2. |
Ter opdatering van ons bestuursinligtingstelsels asook om doeltreffende kontrole en administrasie binne die Wes-Kaap Onderwysdepartement te verseker, word die huidige lys van ouditeure geoudit. Prinsipale word derhalwe versoek om die aangehegte opnamevorm te voltooi en teen nie later nie as 31 Julie 2008 te stuur aan
Hoof: Onderwys
(Vir aandag Direkteur: Bestuursrekeningkunde)
Wes-Kaap Onderwysdepartement
Privaatsak X9114
KAAPSTAD
8000
Faksnommer 021 467 2594
|
| 3. |
Elke onderwysinrigting/skool moet vasstel of sy ouditeur geregistreer is by een van die professionele liggame wat op die opnamevorm gemeld word en waarvan die lede deur die Suid Afrikaanse Skolewet, 1996 (Wet 84 van 1996), soos gewysig (SASW) en die Wet op Basiese Onderwys en Opleiding vir Volwassenes, 2000 (Wet 52/2000), soos gewysig geag word geregistreerde ouditeure te wees.
|
| 4. |
Inrigtings wat van geregistreerde ouditeure (ingevolge artikels 43(1) en 43(2)(a) van die SASW) gebruik maak, moet slegs deel A van die vorm invul.
|
| 5. |
Inrigtings wat van ongeregistreerde ouditeure gebruik maak, d.w.s. wat persone as ouditeure gebruik ingevolge artikel 43(2)(b) wat nie geregistreer is by een van die professionele liggame waarna daar in paragraaf 3 verwys word nie, moet slegs deel B invul. Let daarop dat hierdie ongeregistreerde ouditeure formeel aansoek moet doen om goedkeuring om skole se finansiële rekords te oudit. Skole wat nog nie sodanige goedkeuring verkry het nie, moet onverwyld via hul distrikskantoor hiervoor aansoek doen.
|
| 6. |
U samewerking word waardeer
|
GETEKEN: EI MEYER
HOOF: ONDERWYS
DATUM: 2008:06:23
|