1. Bestuursrekeningkundeminuut 0007/2007 van 19 November 2007 het alle betrokkenes ingelig dat 'n loodskursus wat lei tot die verwerwing van 'n Sertifikaat in Skoolsakebestuur (SSSB) in Februarie of Maart 2008 'n aanvang sou neem. Die kursus sou 150 persone akkommodeer en nie-onderwyspersoneel wat deur die WKOD aangestel is, is uitgenooi om aansoek te doen om toelating.

2. As gevolg van onvoorsiene omstandighede aangaande die registrasie van die SSSB, moes die kursus uitgestel word tot die middel van 2008. Die loodskursus wat ongeveer 13 maande sal duur, sal nou in Augustus of September 2009 eindig.

3. Die aansoeke wat ontvang is word steeds gesif, aangesien meer as helfte van die aansoekers nie bewys van hulle kwalifikasies aangeheg het nie. Die keuringsproses sal hierna begin. Aansoekers wat nog nie teen 25 April 2008 antwoord ontvang het nie kan aanneem dat hulle nie suksesvol was nie.

4. Daar sal met suksesvolle kandidate geskakel word aan die einde van April 2008 en vergaderings sal gereël word met hulle en met die prinsipale van hulle skole om die reëlings vir en die aanbieding van die kursus te verduidelik.

5. Werknemers sal weereens uitgenooi word om aansoek te doen om toelating tot die SSSB-kursus in 2009. Verdere korrespondensie in hierdie opsig sal aan alle skole gestuur word in die derde kwartaal van 2008.

6. Vir verdere inligting, skakel asseblief die volgende skoolgebaseerde bestuurpersoneel by hulle distrikskantore: 
Metro-Sentraal: Mnr R Mehl     tel. 021 659 4300
Metro-Oos:      Mnr H Jenecker tel. 021 900 7000 
Metro-Noord:    Me A Jordaan   tel. 021 938 3000
Metro-Suid:     Mnr J Benjamin tel. 021 370 2000
Kaapse Wynland: Mnr B Kafaar   tel. 023 348 4600
Eden & Karoo:   Me L Jacobs    tel. 044 803 8300
Weskus:         Me W Windvogel tel. 021 860 1200

7. Prinsipale word versoek om die inhoud van hierdie minuut onder die aandag van al die betrokke personeellede te bring.


GETEKEN: ED KIRSTEN
HOOF: ONDERWYS
DATUM: 2008:04:15