1. U is sekerlik bewus daarvan dat die PPBOS se siklus vir 2007/2008 op 31 Maart 2008 ten einde geloop het en u moet reeds besig wees om te betrokke dokumentasie in te vul.
2. Die modereringsproses word gebruik om seker te maak dat beoordeling dwarsdeur die Departement eenvormig is en dat diegene wat dit verdien, wel erkenning kry.
3. Ten einde die stelsel effektief te monitor en te evalueer en ten einde die nodige salarisaanpassings te maak, d.w.s. salarisvorderings en prestasiebonusse (indien fondse beskikbaar is), moet al die dokumentasie aan Hoofkantoor gestuur word.
4. Die vereiste dokumente word geriefshalwe hieronder aangedui:
  1. Bylae A: The Die Individuele Prestasieplan

  2. Bylae B: Die Individuele Ontwikkelingsplan

  3. Bylae C: Die TWEE kwartaallikse oorsigte vir die 2007/2008-siklus

  4. Bylae D: Die Jaarlikse Beoordeling, wat die finale assessering vir die jaar bevat

  5. Bylae E: 'n Ondertekende sertifikaat vir elke werknemer, insluitend 'n aanduiding of die werknemer se prestasie aanvaarbaar is of nie. Dit sal ons help om die kwessie aangaande salarisvordering te bespoedig.

  6. Bylae I: Let asseblief daarop dat u die toesighouer 'n skriftelike motivering moet indien gegrond op die bewyse wat deur die loop van die jaar versamel is, in gevalle waar u met die werknemer saamstem dat 'n indeling van Prysenswaardig (4) of Uitmuntend (5) aangedui word.
5. U moet die volgende ook noukeurig toepas:
  1. Maak asseblief seker dat alle dokumente onderteken en gedateer is.
  2. Wees eerlik en realisties by u gradering van werknemers en baseer u assessering op prestasie deur die jaar.
  3. Die Normale Verspreidingskurwe dui aan dat slegs 20% van personeel toppresteerders is, wat natuurlik nie beteken dat die ander nie harde werkers is nie. Toppresteerders staan uit onder hulle eweknieë en die meeste werknemers weet wie hierdie buitengewone individue is.
  4. Moet dus nie personeel sondermeer net as bogemiddelde werkers gradeer indien u nie 'n rekord het van volgehoue bogemiddelde prestasie nie. As u personeel onnoukeurig gradeer, erken u dat u standaarde aandag benodig en dat u in die proses diegene wat erkenning vir buitengewone prestasie verdien, te na kom.
  5. Onthou slegs buitengewone personeel wie se prestasie gestaaf kan word, in aanmerking sal kom vir die geldelike beloning.
  6. Let asseblief daarop dat geen nominasie vir bogemiddelde prestasie in aanmerking geneem sal word indien dit nie vergesel word van 'n geskrewe motivering waarna daar vroeër in hierdie dokument verwys is nie.
6. Die oogmerk van die PPBOS is nie om additionele finansiële toekenning aan uitverkose individue te gee nie, maar om by te dra tot individuele groei en om daardeur institusionele uitnemendheid te bevorder.
7. Die sperdatum vir die inhandiging van rekords is as 30 April 2008 op die skoolkalender aangedui. Hierdie datum is tot 30 Mei 2008 uitgestel en die dokumente moet aan die volgende adres gestuur word:

HOOF: ONDERWYS
Vir aandag: Die PPBOS-beampte (Kamer 10-19)
Direktoraat: Interne Menslikekapitaalbestuur
Wes-Kaap Onderwysdepartement
Privaatsak Bag X9114
Kaapstad
8000
8. Ongelukkig sal dokumente wat laat ingedien word, lei tot penalisasie en toesighouers sal 'n verduideliking vir sodanige laat indiening moet verskaf.
9. U samewerking by die spoedige afhandeling van hierdie proses sal hoog op prys gestel word.
10. Bring asseblief die inhoud van hierdie minuut onder die aandag van alle staatsdienspersoneel onder u toesig.


GETEKEN: M CRONJE
HOOF: ONDERWYS
DATUM: 2008:05:15