| 1. |
Die Wes-Kaap Onderwysdepartement (WKOD) is bewus daarvan dat dit belangrik is om werknemers van die nodige leiding en ondersteuning te voorsien sodat hulle 'n gesonde lewenstyl handhaaf. Die WKOD het gevolglik die Werknemersgesondheids-en-welstandsprogram ingestel om werknemers van hulp te voorsien wanneer hulle krisisse en uitdagings die hoof moet bied. Die program lê klem daarop dat 'n mens proaktief moet optree om 'n gebalanseerde en gesonde lewenstyl te handhaaf.
|
| 2. |
Die WKOD het 'n Welstandsdagprogram vir al sy werknemers in die Distrik Metro Sentraal gereël. Dit sal van 12:00 tot 15:30 op Donderdag, 22 Mei 2008 plaasvind by die Athlone Burgersentrum op die hoek van Eland- en Proteaweg in Athlone.
|
| 3. |
Die volgende dienste sal gratis aangebied word:
- Bewustheid van beradingsdienste
- TB-bewustheid
- MIV/VIGS-bewustheid
- Middelmisbruikbewustheid
- Cholesterol-meting
- Hipertensie-meting
- Pap-smeerinligting
- Inligting oor borskanker
- Riglyne oor voeding
- Holistiese masseerterapie
- Nael- en handversorging
- Geskenksakkies
|
| 4. |
Elke werknemer sal ongeveer 25 minute nodig hê om van hierdie Welstanddagdienste gebruik te maak.
|
| 5. |
Dit sal waardeer word indien lynbestuurders kan reël dat alle werknemers van hierdie dienste gebruik kan maak, terwyl daar verseker word dat belangrike dienste nie onderbreek word nie.
|
| 6. |
Bring asseblief hierdie minuut onder die aandag van alle werknemers van die WKOD in die Distrik Metro Sentraal.
|
GETEKEN: M CRONJE
HOOF: ONDERWYS
DATUM: 2008:05:12
|