1. As deel van die ontwikkeling van ons visie "'n Tuiste vir Almal", het die Departement van die Premier (Direktoraat: Diagnostiese Opnames) navorsing geloods wat handel oor ras en vooroordeel binne die PRWK wat vanaf Februarie tot Junie 2008 sal voortduur. Die oogmerke van die opname is om rasseverhoudinge en vooroordeel binne die PRWK te ondersoek, en om te begryp wie dit ervaar en hoe dit op ons prestasie impakteer. Die opsomming van die uitslae sal teen September 2008 versprei word en sal gebruik word om aanbevelings te maak oor hoe ons van hier af moet aanbeweeg.
2. Eksterne konsultante, Telos Partners SA, sal die opname doen en sal fokusgroepe gebruik. Dit sal vertroulikheid, onpartydigheid en geloofwaardigheid verseker.
3. 'n 3% steekproefgroep is uit die WKOD gekies om deel te wees van hierdie fokusgroepe. Die steekproefgroep is verteenwoordigend van ras, geslag en die samestelling van posgraderings van die WKOD. Die persone in die fokusgroepe sal 'n vraelys moet invul en 'n dialoogsessie moet bywoon. Alle inligting en menings wat ingesamel word, sal anoniem gedoen word.
4. Ons moedig u aan om deel te neem indien u gekies word en, indien nie, om die personeel wat wel gekies is, te ondersteun.
5. Indien u enige navrae het oor hierdie navorsingsprojek, skakel asseblief met die projekbestuurder, Louise Esterhuyse by lsesterh@pgwc.gov.za of by telefoonnommer 021 466 9500, of met Cindylou Davids by cidavids@pgwc.gov.za of by telefoonnommer 021 466 9500.


GETEKEN: NA DANIELS
HOOF: ONDERWYS
DATUM: 2008:05:07