1. Die Wes-Kaap Onderwysdepartement (WKOD) erken dat die Herontwerpproses vir baie van sy werknemers 'n tydperk van groot ontwrigting was en in sommige gevalle onsekerheid en spanning geskep het.
2. Die WKOD het gevolglik intervensies in die vorm van organisatoriese ondersteuningsgroepe vir alle kantoorgebaseerde werknemers gereël om hulle te help om aan te pas by omstandighede wat verander het as gevolg van die Herontwerp.
3. Die groepintervensies het ten doel om werknemers aan te moedig om hulle eie kwellings rondom die veranderinge te identifiseer, begryp en uit te druk en om die moed te kry om die veranderinge wat mag plaasvind te bestuur. Dit intervensie sal bestaan uit 'n uurlange bespreking, waarna 'n een-teenoor-een-sessie ter plaatse op vrywillige grondslag beskikbaar sal wees.
4. Die ondersteuningsgroepintervensies is verpligtend vir alle kantoorgebaseerde werknemers en dit is elke direkteur se verantwoordelikheid om seker te maak dat die werknemers in hulle direktorate die groepe bywoon op die datums en tye soos aangedui.
5. Die skedule vir die groepe is by hierdie minuut aangeheg.
6. Direkteure word versoek om teen Donderdag, 31 Januarie 2008 die name van die werknemers in te dien wat die groepsessies sal bywoon.
7. U samewerking om hierdie intervensie 'n sukses te maak, word waardeer.


GETEKEN: S. CYSTER
HOOF: ONDERWYS
DATUM: 2008:01:18

Distric schedule: Redesign  (grootte: 26 KB)
Head office schedule: Redesign  (grootte: 24 KB)
VORM: Details of attendees  (grootte: 32 KB)