1. Die Nasionale Kurrikulumverklaring (NKV) graad 10 - 12 (Algemeen) word geleidelik geïmplementeer in die periode van 2006 tot 2008. Aangesien 'n groot getal onderwysers van die WKOD wat permanente betrekkings beklee ondergekwalifiseer is in die bogenoemde vakke, sal die Wes-Kaap Onderwysdepartement (WKOD) opleiding verskaf aan ongeveer 70 onderwysers sodat hulle hulle vakkennis en professionele kennis in hierdie vakke kan opskerp.
2. Die GOS-kursus sal aangebied word as deeltydse kursus vanaf Januarie 2009 tot Desember 2010. Dit sal uitloop op 'n NKV Vlak 6-kwalifikasie en sal afstands-onderrig kombineer met kontaksessies tydens naweke en skoolvakansies.
3. Die kursus sal deur die Universiteit van Stellenbosch aangebied word.
4. Die WKOD bied beurse aan wat die onderrig- en registrasiegeld vir die twee kursusse dek. Tydens die kontaksessies sal ongeveer 15 onderwysers per vak van die landelike gebiede alleenlik op die WKOD se onkoste in studentekoshuise van die Universiteit van Stellenbosch gehuisves word.
5. Vervoerkoste na en van die kursus sal deur die WKOD gedek word. Onderwysers sal self verantwoordelik wees vir die onkoste van hulle onderrigonder-steuningsmateriaal.
6. 'n Totaal van 70 onderwysers, ongeveer 35 per kursus sal vir die program gekies word.
7. Die volgende onderwysers kom in aanmerking vir beurse vir hierdie kursusse:
  • Voltydse onderwysers in diens van die WKOD (By voorkeur onderwysers wat tans bogemelde vakke in graad 10 tot 12 aanbied).
  • Onderwysers met 'n driejaardiploma
  • Onderwysers met 'n graad en 'n professionele kwalifikasie, maar met geen formele kwalifikasie in die bogemelde vakke nie
  • Vir die GOS-kursus in Fisiese Wetenskappe moes onderwysers Natuur- en Skeikunde en Wiskunde in matriek op HG of SG geslaag het.
  • Vir die GOS-kursus in Lewenswetenskappe moes onderwysers Lewenswetenskappe in matriek ten minste op SG geslaag het. ('n Slaagpunt in Natuur- en Skeikunde is 'n sterk aanbeveling.)
8. Die kursus sal die volgende elemente dek van die NKV vir VOO (graad 10 tot 12) en van die HNKV (AOO):
  • Die beginsels van die NKV en/of die HNKV
  • Die leeruitkomste en assesseringstandaarde
  • Die kennisareas
  • Uitkomsgebaseerde metodologie (leer-, onderrig- en assesseringstrategieë)
  • Die keuring van ondersteuningsmateriaal, rekenaarprogrammatuur ingesluit
9. Kontaksessies sal plaasvind tydens skoolvakansies en die eerste kontaksessie sal in Januarie 2009 plaasvind.
10. Onderwysers wat aansoek wil doen om 'n beurs moet die aangehegte aansoekvorm voltooi en voorlê aan die Departement, via hulle skoolhoofde. Aansoeke moet die volgende adres bereik teen Vrydag, 8 Augustus 2008: 
Hoof: Onderwys 
(Aandag mnr TP Davids, Kamer 8-79A) 
Direktoraat: Internemenslikekapitaalontwikkeling
Wes-Kaap Onderwysdepartement 
Privaatsak X9114
Kaapstad
8000
11. Afskrifte van die aansoek- en ooreenkomsvorms sal ook beskikbaar wees by die WKOD se Kliëntediens-afdeling op die tweede vloer van Grand Central Towers, Kaapstad.
12. Let asseblief op die volgende:
  • Geen laat, onvolledige of onleesbare aansoeke sal oorweeg word nie.
  • Geen aansoeke wat gefaks is, sal aanvaar word nie.

Bring asseblief die inhoud van hierdie minuut onder die aandag van al die betrokke persone.



GETEKEN: E. KIRSTEN
HOOF: ONDERWYS
DATUM: 2008:07:01

Aansoekvorm  (grootte: 89 KB)
Ooreenkomsvorm  (grootte: 23 KB)