| 1. |
Die Wes-Kaap Onderwysdepartement (WKOD) waardeer die toegewydheid van ons staatsdienswerknemers om hulle kennis van tendense in die onderwys uit te brei en hulle vaardighede te ontwikkel.
|
| 2. |
Die WKOD is bereid om werkers finansieel te help om hulle studies te bevorder en rig 'n uitnodiging aan werknemers wat graag in 2009 deeltydse studies wil onderneem, om vir beurse aansoek te doen.
|
| 3. |
Die toekenning van die beurs sal onderworpe wees aan die volgende voorwaardes:
- Aansoekers moet personeel wees wat in diens van die WKOD is en aangestel is ooreenkomstig die Staatsdienswet (103/1994).
- Aansoekers moet permanent aangestel wees deur die WKOD;
- Hulle moet voldoen aan die toelatingsvereistes van die betrokke onderwysinstelling;
- Hulle moet gemotiveerd wees om deeltydse studie tydens 2009 te onderneem;
- Hulle mag nie reeds 'n staatsdiensbeurs of enige ander beurs ontvang nie, en
- hulle moet Suid-Afrikaanse burgers wees.
|
| 4. |
Alle aansoeke sal aan die volgende kriteria moet voldoen:
- Die geskiktheid van die voorgenome studieveld gemeet aan die WKOD se huidige en toekomstige strategiese behoeftes
- Die behoefte van die betrokke direktoraat aan spesifieke of skaars vaardighede
- Diensbillikheid (ras, geslag, gestremdhede)
- Landelike versus stedelike gebiede
- Toepaslikheid op die spesifieke werkbeskrywing
- Ontwikkelingstoepaslikheid
- Ander kwalifikasies
- Salarisvlakke
- Nagraads versus voorgraads
- Die toesighouer se aanbeveling, wat by die aansoek aangeheg moet word
- Beskikbaarheid van fondse
- Die vereistes van die Wet op Diensbillikheid (55/1998), die Vaardighedeontwikkelingswet (97/1998) en ander toepaslike wetgewing.
|
| 5. |
Elke beursaansoek moet die volgende dokumente insluit:
- 'n Voltooide aansoekvorm vir 'n studiebeurs (afskrif van die aangehegte vorm)
- 'n Skriftelike beraming van studieonkoste (registrasie , onderrig en ander studieverwante uitgawes) vir die akademiese jaar van 2009. Hierdie gegewens kan vanaf tersiêre gegewens verkry word.
- Die toesighouer se aanbeveling op 'n afskrif van die aangehegte Bylae A-vorm.
|
| 6. |
Aansoeke moet die volgende adres bereik voor of op Vrydag, 31 Julie 2008:
Hoof: Onderwys
(Vir aandag: Mnr AM Shasha/Me NP Funani)
Direktoraat: Interne Menslikekapitaalontwikkeling
Wes-Kaap Onderwysdepartement
Privaatsak X9114
KAAPSTAD
8000
|
| 7. |
Aansoeke kan ook in die poshouer geplaas word wat gemerk is "Staatsdienspersoneel" in die voorportaal van die Hoofkantoor by Grand Central Towers, Laer Parlementstraat, Kaapstad.
|
| 8. |
Geen laat, onvolledige, gefakste of onleesbare aansoeke sal oorweeg word nie.
|
| 9. |
Die Beurskomitee sal alle aansoeke oorweeg en prioritiseer en dan aanbevelings maak vir die toekenning van beurse. Beurstoekennings sal nie oorskrei mag word nie, maar sal ook nie noodwendig die volle registrasie- en klasgeld dek nie. Die getal aansoeke wat ontvang is en die beskikbare fondse sal bepaal hoeveel beurse toegeken kan word.
|
| 10. |
Senior Bestuur van di WKOD sal die finale goedkeuring verleen vir die aantal beurse wat toegeken kan word.
|
| 11. |
Daar sal van elke suksesvolle applikant verwag word om 'n formele ooreenkoms met die WKOD aan te gaan om 'n jaar diens te lewer vir elke jaar waarvoor die beurs toegeken is, en om te voldoen aan die ander bepalings soos in die ooreenkoms uiteengesit is.
|
| 12. |
Korrespondensie sal slegs gevoer word met suksesvolle aansoekers. Indien u nie binne ses (6) weke na die sluitingsdatum gekontak is nie moet u aanvaar dat u aansoek nie suksesvol was nie.
|
| 13. |
Neem vrymoedigheid om die mense wat hierbo genoem word, te kontak indien u enige verdere inligting benodig oor die beursskema.
|
| 14. |
Maak asseblief seker dat alle Staatsdienspersoneellede in u komponent kennis dra van die inhoud van hierdie minuut.
|
GETEKEN: E. KIRSTEN
HOOF: ONDERWYS
DATUM: 2008:06:12
|