1. Die Nasionale Onderwystoekennings erken voortreflikheid en 'n hoë graad van professionaliteit, en voorsien die onderwysgemeenskap van die geleentheid om die prestasies van uitmuntende opvoeders te erken. Voorts plaas hulle die kollig op die buitengewone werk wat oor die algemeen deur opvoeders verrig word. Die Wes-Kaap Onderwysdepartement (WKOD) is dus trots om die provinsiale toekenningsgeleentheid vir die Nasionale Onderwystoekennings aan te bied en te organiseer.
2. Die onderskeie toekennings is soos volg:
  • UITNEMENDHEID IN LAERSKOOLONDERRIG
  • UITNEMENDHEID IN SEKONDÊRESKOOLONDERRIG
  • UITNEMENDHEID IN LAERSKOOLLEIERSKAP
  • UITNEMENDHEID IN SEKONDÊRESKOOLLEIERSKAP
  • UITNEMENDHEID IN VROEËKINDONTWIKKELING (VKO)
  • UITNEMENDHEID IN INKLUSIEWE ONDERWYS EN SPESIALEONDERWYS- BEHOEFTESONDERRIG
  • UITNEMENDHEID IN BASIESE ONDERWYS EN OPLEIDING VIR VOLWASSENES (BOOV)
  • LEWENSLANGEPRESTASIETOEKENNING
3. Provinsiale wenners sal elk 'n skootrekenaar ontvang met die komplimente van die Wes-Kaap Onderwysdepartement.
4. Daar sal ook monetêre toekennings vir skole wees waar die klusterwenners, provinsiale wenners en nasionale wenners skoolhou.
5. Handleidings en nominasievorms (aangeheg) word aan alle WKOD-inrigtings en BOOV- en VKO-sentrums versend. Alle opvoeders word uitgenooi om aan hierdie proses deel te neem deur nominasies (kriteria en formaat vervat in die inligtingshandleiding) by hulle prinsipale of sentrumbestuurders in te handig, wat die ingevulde nominasievorms aan hulle onderskeie onderwysdistrikte vir die aandag van die distrikskoördineerders sal stuur. Skakel asseblief met een van die volgende distrikskoördineerders indien u meer inligting benodig:

Eden & Sentrale Karoo:Dr Fernholdt Galant
Junita Muller		028 713 2928
044 803 8300
Kaapse Wynland (uitgesluit Paarl
& Stellenbosch) & Overberg:		Joaniel Pieterse
Japie Bailey 		023 348 4619
083 707 2197
Weskus (insluitend
Paarl en Stellenbosch):		JA Mouton
Dr Michael le Cordeur		022 482 2737
021 860 1200
Metropool-Suid:Dryfus Jonas
Karen Dudley		021 370 2000
082 691 6768
Metropool-Oos:Zenna Grove021 900 7000
Metropool-Noord:Trevor Adams
Spencer Tonkin		021 938 3016
021 938 3033
Metropool-Sentraal:Alton Koenze021 659 4428/9

6. U aandag word op die volgende uittreksels uit die nominasiehandleiding gevestig:

"Die prinsipaal/sentrumbestuurder moet 'n nominasievergadering belê wat die skoolbeheerliggaam of sentrumbeheerliggaam (SBL) moet insluit, waar die nominasieproses bespreek word."

"Die personeel en die SBL-lede moet die kriteriavereistes van elke kategorie bestudeer en eienskappe of kenmerke opstel vir hulle genomineerdes wat sal ooreenstem met bepaalde gegewe kriteria."

"Wanneer geskikte onderwysers/spanne genomineer is, moet hulle name op die gegewe nominasievorms ingevul word."
7. 'n Span moet bestaan uit nie meer as vyf opvoeders nie.
8. Prinsipale en sentrumbestuurders moet die nominasievergadering teen nie later nie as 20 Junie 2008 hou. 'n Notule moet van die vergadering bygehou word en by die kringbestuurder ingedien word vir die aandag van die betrokke distrikskoördineerder.
9. Prinsipale en sentrumbestuurders moet Bylae A invul en dit teen nie later nie as 20 Junie 2008 by die kringbestuurder indien, vir die aandag van die betrokke distrikskoördineerder.
10. Die prysgeld wat deur skole of sentrums ontvang word, moet vir personeelontwikkeling aangewend word om die gehalte van onderrig te verbeter.
11. Die sluitingsdatum vir die indien van nominasievorms by die distrikskoördineerder is 30 Junie 2008.
12. Bring asseblief die inhoud van hierdie minuut onder die aandag van alle lede van u personeel.


GETEKEN: E. KIRSTEN
HOOF: ONDERWYS
DATUM: 2008:06:03

Bylae A: Nominasie vorm  (grootte: 18 KB)

Die "Handleidings", waarna verwys word in die Minuut, is as drukstukke beskikbaar en is aan skole gestuur.