1. Die Minister vir Staatsdiens en Administrasie het 'n direktief uitgegee dat daar gesorg moet word dat alle nuut-aangestelde werknemers (permanent, op proef) van die staatsdiens ingelig word aangaande die waardes wat met die staatsdiens geassosieer word, asook van die rol van die regering, sy doelwitte, strukture en sleutelbeleide. Vir hierdie doel is 'n verpligte oriënteringsprogram vir alle nuut-aangestelde werknemers van die staatsdiens (opvoeders uitgesluit) ingestel.
2. Die direktief het in werking getree vanaf 1 April 2008. Werknemers wat vir die eerste keer in die staatsdiens aangestel is op 1 April 2008 of daarna (permanent, op proef), moet binne ses maande van hulle aanstellingsdatum die verpligte oriënteringsprogram bywoon. Die probasieperiode van 'n nuwe werknemer sal nie bevestig word indien die werknemer nog nie die oriënteringsprogram bygewoon het nie.
3. Afsonderlike tweedaagse kursusse vir salarisvlakke 1 - 5 en 6 - 12 onderskeidelik sal by verskillende plekke aangebied word. Nuut-aangestelde werknemers sal in kennis gestel word van die datums, tye en plekke vir hierdie kursusse. Bywoning van hierdie kursus sal geformaliseer word om deel uit te maak van die individuele prestasieplan (IPP) en individuele ontwikkelingsplan (IOP) van elke werknemer.
4. Enige navrae oor die verpligte oriënteringsprogram kan gerig word aan dr FJ Wessels by fwessels@pgwc.gov.za of tel. no. 021 467 2568.


GETEKEN: GC DE BRUYN
HOOF: ONDERWYS
DATUM: 2008:05:15