| 1. |
Die Wes-Kaap Onderwysdepartement (WKOD) het waardering vir die toewyding van onderwysers wat daarna strewe om hulle kennis aangaande tendense in die onderwys uit te brei en hulle onderwysvaardighede te ontwikkel.
|
| 2. |
Die WKOD is bereid om onderwysers finansieel te ondersteun met deeltydse studie vir hulle eerste nagraadse graad, B.Ed. Hons., met spesialisering in enige onderwysstudieveld, behalwe skoolbestuur.
|
| 3. |
nderwysers wat reeds ingeskryf het vir die 2008-akademiese jaar word uitgenooi om aansoek te doen om finansiële bystand in die vorm van 'n beurs vir hulle oorblywende studiejaar of -jare vir die voltooiing van die B.Ed. Hons.-graad.
|
| 4. |
Die goedkeuring van 'n beurs berus op die volgende voorwaardes. Die student
- moet ingeskryf wees by 'n geakkrediteerde tersiêre inrigting in die Wes-Kaap of by UNISA;
- moet in sy of haar eerste of tweede studiejaar wees;
- moet 'n onderwyser in die permanente diens van die WKOD wees;
- moet nie tans 'n staatsdiensbeurs of enige ander beurs ontvang nie; en
- moet 'n Suid-Afrikaanse burger wees.
Die beurs sal die registrasie- en onderriggeld dek.
|
| 5. |
Elke aansoek om 'n beurs moet van die volgende dokumente vergesel wees:
- 'n Voltooide aansoekvorm om 'n studiebeurs (Bylae A)
- 'n Voltooide ooreenkomsvorm (Bylae B)
- Bewys van registrasie vir die 2008-akademiese jaar
- Dokumentêre bewys van studieuitgawes, d.w.s. registrasiegeld en onderriggeld vir die 2008-akademiese jaar. (Hierdie inligting sal verkrygbaar wees van die tersiêre inrigting waarby u ingeskryf is.)
|
| 6. |
Aansoeke moet teen Donderdag, 12 Junie 2008 by die volgende adres voorgelê word:
Hoof: Onderwys
(Vir aandag: Mnr TP Davids)
Direktoraat: Interne Menslikekapitaalontwikkeling
Wes-Kaap Onderwysdepartement
Privaatsak X9114
Kaapstad
8000
Aansoeke mag ook gepos word in die houer wat gemerk is "B.Ed. Hons." By die hoofingang van die voorportaal van die WKOD-Hoofkantoor by Grand Central Towers, Kaapstad.
|
| 7. |
Aansoekvorms en ooreenkomsvorms is by hierdie minuut aangeheg. Afskrifte van hierdie vorms is ook beskikbaar by die WKOD se Kliëntediensafdeling op die tweede vloer van Grand Central Towers, Kaapstad.
|
| 8. |
Let asseblief daarop dat
- geen laat, onvolledige of onleesbare aansoeke oorweeg sal word nie;
- slegs oorspronklike dokumente of gewaarmerkte afskrifte daarvan aanvaar sal word, en
- geen gefakste aansoeke aanvaar sal word nie.
|
| 9. |
Die Beurskomitee sal alle aansoeke oorweeg en prioritiseer, en dan aanbevelings maak t.o.v. die toekenning van die beurse. Beurstoekennings sal nie oorskry word nie, maar sal ook nie noodwendig die registrasie- en onderriggeld volledig dek nie. Die aantal aansoeke wat ontvang word en die beskikbare fondse sal bepaal hoeveel beurse toegeken kan word.
|
| 10. |
Elke suksesvolle applikant moet 'n formele ooreenkoms met die WKOD sluit dat hy of sy 'n jaar diens vir elke jaar waarvoor die beurs toegeken is, sal lewer, en om te voldoen aan die ander bepalings soos uiteengesit in die ooreenkoms.
|
| 11. |
Maak asseblief seker dat die inhoud van hierdie minuut onder die aandag van alle onderwysers gebring word.
|
GETEKEN: ED KIRSTEN
HOOF: ONDERWYS
DATUM: 2008:04:16
|