1. Die Nasionale Kurrikulumverklaring (NKV) graad 10 - 12 (Algemeen) word geleidelik geïmplementeer tydens die periode 2006 tot 2008. Vir die infasering van Lewensoriëntering as 'n fundamentele vak in die VOO-band is opgeleide onderwysers 'n noodsaaklike vereiste om optimale kurrikulumimplementering te verseker. Lewensoriëntering benodig gespesialiseerde en verpersoonlikte opleiding.
2. Die Wes-Kaap Onderwysdepartement (WKOD) sal beurse verskaf aan 70 permanent aangestelde onderwysers om hulle vakkennis en professionele vaardighede in hierdie vakgebied te verbeter.
3. Die Universiteit van Kaapstad (UK) sal die GOS-kursus as 'n deeltydse kursus aanbied vanaf Maart 2008 tot Desember 2009. Dit sal uitloop op 'n NKR Vlak 6-kwalifikasie en sal afstandsonderrig en kontaksessies tydens naweke en vakansies kombineer.
4. Die beurs sal onderrig- en registrasiegeld dek, sowel as uitgawes aan leermateriaal wat deur die UK voorsien sal word. Tydens die kontaksessies sal opvoeders uit landelike gebiede van akkommodasie voorsien word.
5. Die koste van vervoer na en van die opleidingslokaal sal deur die WKOD gedek word.
6. Altesaam 70 opvoeders, 35 van die Metro-distrikte en 35 van die landelike distrikte, sal vir die program gekies word.
7. Die volgende onderwysers kan vir beurse in aanmerking kom:
  • Permanent aangestelde onderwysers van die WKOD in die VOO-band (met voorkeur aan onderwysers wat tans die bogemelde vakke in graad 10 tot 12 aanbied)
  • Onderwysers met 'n driejaardiploma
  • Onderwysers met 'n graad en 'n professionele kwalifikasie, maar sonder enige formele kwalifikasie in die bogemelde vak
8. Die kursus sal die volgende elemente van die Nasionale Kurrikulumverklaring vir Verdere Onderwys en Opleiding (graad 10 - 12) en/of die HNKV (AOO) insluit:
  • Die beginsels van die NKV
  • Die leeruitkomste en assesseringstandaarde
  • Die kennisareas
  • Uitkomsgebaseerde metodologie (leer-, onderrig- en assesseringstrategieë
  • Sosiale transformasie, menseregte, inklusiwiteit
  • Die seleksie van ondersteuningsmateriaal, met inbegrip van rekenaarsagteware
9. Reëlings vir die kursus is as volg:

Aanbieding van die kursus

Metropoolgroep van 35 studente  Landelike groep van 35 studente  
AktiwiteitDatum & TydAantal kontakure Aktiwiteit Datum & Tyd Aantal kontakure
Registrasie & OriënteringMaandag, 3 Maart 2008 Tyd: 15:00-18:00  Registrasie & Oriëntering Sondag, 30 Maart 2008 Tyd: 15:00 - 18:00 
Kontaksessie 1
(Lecture)
Saterdag, 15 Maart 2008 Tyd: 9:00 - 16:307,5 ureKontaksessie 1
5-dag blok in skoolvakansie
Monday, 31 Maart 2008 - Vrydag, 4 April 200840 ure
Kontaksessie 2
5-dag blok in skoolvakansie
Maandag, 7 April 2008 - Vrydag, 11 April 0840 ureKontaksessie 2
Saterdagsessie
Saterdag, 17 Mei 20087,5 ure
Kontaksessie 3
Saterdagsessie
Saterdag, 10 Mei 20087,5 ureKontaksessie 3
Saterdagsessie
Saterdag, 31 Mei 20087,5 ure
TOTAAL 55 ureTOTAAL 55 ure

10. Onderwysers wat belangstel om aansoek te doen om 'n beurs moet die meegaande aansoekvorm voltooi en via hulle prinsipale aan die Departement voorlê. (Leesbare fotokopieë sal aanvaarbaar wees, maar moet deur oorspronklikes opgevolg word.) Aansoeke moet die volgende adres bereik teen Vrydag, 29 Februarie 2008:
Hoof: Onderwys 
(Aandag mnr TP Davids, Kamer 8-79A) 
Direktoraat: Interne Menslikekapitaalminuut:
Wes-Kaap Onderwysdepartement 
Privaatsak X9114
Kaapstad
8000
11. Bring asseblief die inhoud van hierdie minuut onder die aandag van alle betrokkenes.


GETEKEN: E. KIRSTEN
HOOF: ONDERWYS
DATUM: 2008:02:19

Bylae A: Aansoekvorm  (grootte: 70 KB)
Bylae B: Ooreenkoms  (grootte: 10 KB)