| 1. |
Die Kaapse Onderrig en Leierskapinstituut (KOLI) sal kursusse aanbied soos aangedui in Bylaes A, B, C en D, vir opvoeders en skoolbestuurders tydens die skoolkwartale in 2009. |
| 3. |
Een kursus word 'n paar keer herhaal om verskillende groepe opvoeders in staat te stel om dit by te woon. |
| 4. |
'n Maksimum van 56 opvoeders kan per kursus registreer. Hierdie opvoeders sal getrek word van al agt onderwysdistrikte van die provinsie. Dit beteken dat slegs 'n beperkte getal opvoeders 'n kursus op 'n gegewe tyd sal kan bywoon. |
| 5. |
Kursusse wat vier weke lank duur, is in twee blokke verdeel om die opvoeders in staat te stel om terug te gaan skool toe en die opleiding te implementeer. |
| 5.1 |
'n Opvoeder moet blok een sowel as blok twee van dieselfde kursus bywoon om die volle kursus te voltooi; sou 'n opvoeder dus. kies om bv. kursus 3 van 'n Grondslagfase Gesyferdheidskursus by te woon, sal die opvoeder blok een van hierdie kursus van 2 Februarie tot 13 Februarie 2009 bywoon en terugkeer om die kursus te voltooi deur blok twee vanaf 25 Mei tot 5 Junie 2009 by te woon. |
| 5.2 |
Uitruiling tussen die blokke van verskillende kursusse word nie toegelaat nie. |
| 5.3 |
Opvoeders moet dus kursusse kies wat aangebied word gedurende die tye wat hulle beskikbaar sal wees om 'n volle kursus by te woon. |
| 6. |
Nominasies van Distriksbeamptes vir kursusse wat in die eerste kwartaal van 2009 aangebied word, moet die KOLI voor 28 November 2008 bereik om 'n gladde registrasieproses in Kwartaal 1 van 2009 te verseker. |
| 7. |
Vir verdere inligting, neem asseblief vrymoedigheid om Nobantu Pasiya te kontak by 021 900 5022 of by npasiya@pgwc.gov.za. |
| 8. |
Bring asseblief die inhoud van hierdie minuut onder die aandag van al die betrokke persone. |
GETEKEN: ED KIRSTEN
HOOF: ONDERWYS
DATUM: 2008:10:20
|