| 1. |
Die Direktoraat: Interne Menslikekapitaalontwikkeling het in die verlede heelwat probleme ondervind met afgevaardigdes wat op kort kennisgewing onttrek van opleidingsintervensies sonder dat 'n geskikte plaasvervanger gereël word, of omdat deelnemers nie die voorgeskrewe werkstukke inhandig nie. |
| 2. |
Verskeie verskaffers van opleiding, en inrigtings wat vir die fasilitering en koördinering van opleiding en ontwikkeling vir die Wes-Kaap Onderwysdepartement verantwoordelik is, het hulle kommer uitgespreek oor deelnemers wat van die intervensies onttrek of nie opdaag nie. |
| 3. |
Hierdie versuim om op te daag lei tot vrugtelose en verkwistende uitgawes wat ingevolge die Wet op Openbare Finansiële Bestuur (WOFB) hanteer moet word. |
| 4. |
Bestuurders, toesighouers en ander persone wat die nominasie van individue ondersteun om kursusse by te woon, moet seker maak dat die werkslading en ander verpligtinge van daardie individu so hanteer word dat die persoon vir die volle duur van die opleidingsintervensie daaraan kan deelneem, wat sal insluit die afhandel en betydse indien van die vereiste Portefeulje van Bewyse (PVB) of werkstuk. |
| 5. |
Indien die genomineerde sou onttrek weens omstandighede buite sy of haar beheer, moet die genomineerde die Direktoraat: Interne Menslikekapitaalontwikkeling of die opleidingskoördineerder ten minste veertien (14) dae voor die opleidingsintervensie daarvan in kennis stel sodat 'n geskikte plaasvervanger gestuur kan word; of 'n mediese sertifikaat moet ingehandig word. |
| 6. |
Ten einde verdere verliese te voorkom, sal alle genomineerdes vir opleidingsintervensies en hulle toesighouers voortaan versoek word om 'n samewerkingsooreenkoms te onderteken ten einde bywoning en die indien van werkstukke te reguleer, en om die terugbetaal van kostes te dek, sou die genomineerde versuim om op te daag. |
| 7. |
Hierby aangeheg is 'n profielvorm van 'n samewerkingsooreenkoms en 'n nominasievorm wat ingevul en gerekordeer moet word vir alle opleidings- en ontwikkelingsintervensies. |
| 8. |
Die samewerkingsooreenkoms en nominasievorm moet by die volgende adres ingehandig word:
Hoof: Onderwys
Wes-Kaap Onderwysdepartement
Vir aandag: Mnr AM Shasha (Kamer 8-77)
Direktoraat: Interne Mensklikekapitaalbestuur
Grand Central Towers
Laer Parlementstraat
KAAPSTAD
8000 |
| 9. |
Geen onvolledige samewerkingsooreenkoms of nominasievorm sal in aanmerking geneem word nie. |
| 10. |
Skakel asseblief met mnr Alfred Shasha by 021 467 2550 indien u enige aangeleentheid aangaande hierdie minuut wil bespreek. |
| 11. |
Maak asseblief seker dat al die personeellede in u komponent bewus is van die inhoud van hierdie minuut. |
GETEKEN: ED KIRSTEN
HOOF: ONDERWYS
DATUM: 2008:10:15
|