1. Die Wes-Kaap Onderwysdepartement (WKOD) het besluit om twee vakaturelyste vir 2009 uit te reik. Die vakaturelyste sal Posvlak 1- en bevorderingsposte (prinsipaalsposte ingesluit) bevat.
2. Prinsipale en beheerliggame word vriendelik versoek om seker te maak dat advertensies elektronies ingevul word op die konsepvakaturelys op die WKOD se webwerf by http://wced.wcape.gov.za.  Advertensies moet elektronies ingedien word. Geen advertensievorms sal aanvaar word nie. Prinsipale moet hul kringspanbestuurders raadpleeg indien hulle probleme sou ondervind met die invul van die advertensies op die konsepvakaturelys op die webwerf. Raadpleeg asseblief Omsendbrief 0010/2005 van 18 Julie 2005 in hierdie verband. Prinsipale wat nie toegang tot die webwerf kan verkry nie moet asseblief hul kringspanbestuurders skakel.
3. Die volgende tabel dui die beoogde datums van publikasie van vakaturelyste en ander belangrike datums aan:

POSTE BY GEWONE OPENBARE SKOLE EN SPESIALE OPENBARE SKOLE

AksieVakaturelys
 Vakaturelys 1/2009Vakaturelys 2/2009
Posvlak 1- en bevorderingsposte (prinsipaalsposte ingesluit)
WKOD open die elektroniese vakaturelys vir inrigtings en onderwysdistrikte14 Januarie 200915 Junie 2009
Prinsipale moet vakatures op webwerf invoer. SLUITINGSDATUM:26 Januarie 200922 Julie 2009
Kringspanbestuurders moet advertensies nagaan en verifieer2 Februarie 200928 Julie 2009
WKOD moet vakaturelys druk en uitreik9 Februarie 20096 Augustus 2009
SLUITINGSDATUM VIR ONTVANGS VAN AANSOEKE24 Februarie 200920 Augustus 2009
WKOD stuur aansoeke aan skole 24 Maart 200917 September 2009
SBL'e moet nominasies by WKOD indien. SLUITINGSDATUM:5 Mei 200923 Oktober 2009
WKOD moet nominasies goedkeur8 Junie 200923 November 2009
Datum van aanstelling1 Julie 2009 /
1 Januarie 2010		1 Januarie 2010
4. Let daarop dat pas afgestudeerde Fundza Lushaka-beurshouers ( wat baie onlangs hul studies voltooi (het)) uit die staanspoor op 'n permanente grondslag in vakante Substantiewe Posvlak 1 poste aangestel kan word sonder dat die vakante substantiewe poste geadverteer hoef te word. Sien die bepalings van artikel 6A van die Wet op die Indiensneming van Opvoeders, 1998, (Wet 76/1998).
5. Die samewerking van alle betrokkenes sal die suksesvolle bestuur van hierdie belangrike taak verseker en sal hoog op prys gestel word.


GETEKEN: CJ FOURIE
HOOF: ONDERWYS
DATUM: 2008:11:27