1. Ten einde IRP5-besonderhede vir die 2008-belastingjaar te finaliseer en om aan belastingregulasies te voldoen, doen die salarisstelsel (PERSAL) 'n akkumulatiewe herberekening van belasting vir elke werknemer om te bepaal of die korrekte belasting verhaal is. Hierdie proses het gedurende Februarie 2008 plaasgevind.
2. Bogenoemde aksie het die volgende meegebring:
2.1 Bedrae "verskuldig aan jou" (belasting oorvordering) sal slegs terugbetaal word aan werknemers ten opsigte van SITE-gevalle, dit is werknemers wat minder as R60 000 per jaar verdien.
2.2 Vir bedrae "verskuldig deur jou" is 'n onderverhaling geskep onder "Belastingskuld". Vir werknemers wat steeds in diens is, sal die belastingskuldbedrag programmaties vanaf hul Maart 2008-salarisse soos volg verhaal word:
  • Kleiner as of gelyk aan R 100 - 1 paaiement
  • Kleiner as of gelyk aan R 500 - 2 paaiemente
  • Kleiner as of gelyk aan R 1000 - 3 paaiemente
  • Groter as R 1000 - 4 paaiemente
2.3 Vir werknemers wat uit diens is, sal die nodige skuldinvorderingsproses gevolg word.
2.4 Let wel, hierdie kantoor is tans besig om verslag "Lys van herberekening van Belasting" te verifieer wat aandui vir wie 'n belastingskuld geskep is of vir wie 'n belastingoorvordering terugbetaalbaar is. Hierdie aksie is nodig om enige verskille te verifieer en om dan die nodige regstellings te bewerkstellig.
3. Bring asseblief die inhoud van hierdie minuut onder die aandag van alle betrokke werknemers.


GETEKEN: RM MATLI
HOOF: ONDERWYS
DATUM: 2008:03:19