| 1. |
Tydens die vergadering van die Tegniese Komitee vir Finansies wat op 4 Oktober 2007 gehou is sowel as die verskillende daaropvolgende nasionale forums vir hoof finansiële beamptes, is die provinsiale departemente ingelig oor die Standaardtabel van Rekeninge (STR) (Standard Chart of Accounts-(SCOA) se verfyningsprojek. Die doel van lg. projek is die verbetering van die volgende:
- Die rapportering oor infrastruktuur-uitgawes
- Die in lyn bring van programstrukture tussen begrotingstoewysings en die BRS
- Die klassifikasie en kategorisering van items in die struktuur vir Goedere en Dienste
- Optekening van die ekonomiese klassifikasie in 'n gepaste segment op die kaart
- Verbetering van die funksionele klassifikasie en voorskryf van 'n platform vir die rapportering aangaande navorsing- en ontwikkelingsuitgawes
|
| 1.1 |
Die huidige BRS-databasisse is nie genoegsaam versoenbaar om 'n verbetering van hierdie aard te laat plaasvind nie. Om die addisionele segmente wat nodig is om voorsiening te maak vir die hersiene rapporteringsvereistes te akkommodeer, moet alle huidige databasisse op die BRS weer met ingang van 1 April 2008 geïmplementeer word.
|
| 1.2 |
In die lig van bogenoemde, het beamptes van die Provinsiale Tesourie tydens November/Desember 2007 met elke departement se hoof finansiële beampte vergader om laasgenoemde in te lig oor die opkomende implementering van die BRS-databasis. Elke hoof finansiële beampte is elektronies voorsien van dokumentasie wat spruit uit die nasionale tesourie se aanbiedings ten opsigte van hierdie oefening om hulle verder bekend te stel met die vereistes van die STR-verfyningsprojek.
|
| 2. |
Finansiële verslag word tans gelewer oor vyf segmente, naamlik Fonds, Doelwit, Projek, Verantwoordelikheid en Item. Met verwysing na paragraaf 1.1 is daar twee addisionele segmente wat bygevoeg is, nl. Bates en Streeksaanwyser.
|
| 3. |
Die BRS-kontroleur het op 14 Februarie 2008, toe die nuwe databasis beskikbaar geraak het, begin om die nuwe segmente vas te lê. Die proses is op 29 Februarie 2008 voltooi.
|
| 4. |
Dit is belangrik dat alle gebruikers bekendgestel word aan die nuwe tabel van rekeninge en die toepassing van die verskillende segmente, so spoedig moontlik.
|
| 5. |
Alhoewel alle gebruikers tans betalings prosesseer voor die sluiting van die finansiële jaar, is dit nodig dat ons 'n inligtings-/werksessie reël met die meerderheid van gebruikers voor 1 April 2008.
|
| 6. |
As gevolg van tydsbeperkings is sessies van 2 na 3 uur vir hierdie doel geskeduleer. Die datums en teikengroepe is as volg:
HOOFKANTOOR Plek: 2de Vloer, Kamer No. 2
| Datum | Groep | Tyd |
| 13 Maart | Dir. Rekeningkundige Dienste en Bestuursrekeningkunde | 08:00 tot 10h00 |
| 13 Maart | Dir. Logistieke Dienste | 10:30 tot 12:30 |
| 13 Maart | l die kleiner groeperings: Dir Personeel, Kurriculum, Veilige Skole,Fisiese Hulpbronne, Spesiale Onderwys, Ondersteuningsdienste, Voeding, MIV, Eksamens, Khanya, ens. | 10:30 tot 12:30 |
DISTRIKSKANTORE 10:30 - 12:30
| Datum | Kantoor | Plek |
| 17 Maart/td> | Suid en Sentraal | Suid |
| 18 Maart | Noord, Oos, LOOM en Edulis | Oos |
| 19 Maart | Weskus & Wynland en Breederivier & Overberg | Weskus & Wynland |
| 20 Maart | Suid-Kaap & Karoo | Suid-Kaap & Karoo |
|
| 7. |
Enige navrae i.v.m. die bogenoemde kan gerig word aan Carl Lendore (BRS-kontroleur) by tel. 021 467 2727.
|
| 8. |
U samewerking word hoog op prys gestel.
|
GETEKEN: RM MATLI
HOOF: ONDERWYS
DATUM: 2008:03:10
|