1. |
Icandelwana leHIV & AIDS Life Skills and School Sport leCandelo loPhuhliso lweKharityhulam ye-FET kwi-WCED, libambisene no-loveLife kunye neSebe lezeNkcubeko, ubuGcisa nezeMidlalo (Department of Culture, Arts and Sport) (DCAS), liya kusindleka uMnyhadala ongeNdlela yokuPhila ka-2008 eziSeketheni (nokwabizwa ngokuba yiMunicipal loveLife Games) ngoMgqibelo we-9 Agasti 2008 (uSuku lwaBafazi kuZwelonke), kwakunye noMnyhadala ongeNdlela yokuPhila ka-2008 eZithilini (nokwabizwa ngokuba yiDistrict loveLife Games) ngoLwesithathu we-24 Septemba 2008 (uSuku lweNkcubeko eliLifa lethu)).
|
2. |
I-loveLife isebenzisa iindlela eziliqela kwiphulo layo lokuthintela ukunwenwa kweHIV & AIDS. Enye yazo, iloveLife Games, isebenzisa izinto ezinjengezemidlalo, ubugcisa, ingxoxo-mpikiswano, isakhono sokubhala nezakhono zokusombulula iingxaki ukwenzela ukuba:
- isebenze njengebangela inguqu (catalyst) kootitshala ukuze bona babe ngabenzi benguqu abaya kuhlanganisa abahlali babenze bakhuthalele ukugqithiswa kwemiyalezo yeHIV & AIDS, ukulwa izenzo zokutyatyekwa amabala (de-stigmatisation) nokufundisa izakhono zobomi; yaye
- yenze abafundi babe bako ukufikelela nokufumana amathuba abhetele eendlela ezahlukeneyo zokuzonwabisa, kodwa kwangaxeshanye bafumane ingcaciso ebaluleke kakhulu ethathwa kwingcaciso ye-HIV & AIDS ngeendlela ezahlukeneyo, umz. kwenzeke oko bengaqondi ukuba kuyenzeka kwaye kubayafundisa (subliminally).
|
3. |
Kuvunyiwe ukuba iloveLife Games iya kuthi, ngenxa yezizathu zokukhuthaza ukubambisana, ibizwe ngokuba yiLifestyle Festival (uMnyhadala ongeNdlela yokuPhila). Lo mnyhadala uya kuba phantsi kwephiko le-ofisi yesithili semfundo ngasinye uze uqhutywe ngaba bantu balandelayo kwisithili ngasinye:
- Umququzeleli wezakhono zobomi we-HIV & AIDS okanye umsebenzi wasefildini (fieldworker)
- Utitshala ophambili (lead teacher) wezakhono zobomi ze-HIV & AIDS
- Igosa lokukhuthaza ezemidlalo le-DCAS
- Umququzeleli wemidlalo yeloveLife
|
4. |
Uhlobo eya kuma ngalo imidlalo
|
4.1 |
Kuya kuthatha inxaxheba abafundi bezikolo bakuphisane bezizikolo (inter-schools level).
|
4.2 |
Amanqanaba amathathu othatho-nxaxheba aya kususela kumabakala abafundi abakuwo, kungabi ngokobudala beminyaka. Aya kwenzeka ngolu hlobo lulandelayo:
- IBakala 7 nabangaphantsi kwalo
- IBakala 9 nabangaphantsi kwalo
- IBakala 12 nabangaphantsi kwalo
|
4.3 |
Uthatho-nxaxheba kuMnyhadala ongeNdlela yokuPhila weSekethe/kaMasipala kuthetha ukuba izikolo ezikwisekethe enye okanye kumasipala omnye ziya kuthatha inxaxheba ngokukhuphisana.
|
4.4 |
Isikolo esiwinileyo kumdlalo ngamnye kwisekethe nganye okanye kummandla kamasipala ngamnye siya kudlulela phambili kuloo mdlalo singenele uMnyhadala ongeNdlela yokuPhila oPhakathi kweZikolo zeSithili (Inter-schools District Lifestyle Festival).
|
4.5 |
Abaphathi bamaqela baya kunikwa yonke ingcaciso eyimfuneko kwintlanganiso eya kubanjwa phambi komnyhadala lowo. Zonke izikolo ezibhalisela ukuthatha inxaxheba kuMnyhadala ongeNdlela yokuPhila weSekethe/kaMasipala ka-2008 ziya kwaziswa ngomhla, ixesha nendawo yentlanganiso nganye.
|
4.6 |
Ukuze izikolo zibe nokuthatha inxaxheba kuMnyhadala ongeNdlela yokuPhila weSekethe/ kaMasipala ka-2008, mazizalise le fom yobhaliso iqhotyoshelweyo, nemayibuyiselwe ngomhla obekiweyo kumququzeleli wemidlalo yeloveLife kwisithili sakho.
|
ISAYINWE: NGU-S.M. NAICKER
INTLOKO: YESEBE LEMFUNDO
UMHLA: 2008:06:26
|