1. |
Umbutho i-International Association of School Librarianship (IASL), ubhengeze inyanga ka-Oktobha njengeNyanga yeLayibrari yeSikolo kuMazwe ngaMazwe. Ngo-Oktobha 2008, iilayibrari zezikolo kwihlabathi jikelele, ziya zibhiyozela zize zikhuthaze iinkonzo zengcaciso neelayibrari ezikolweni phantsi kwalo mxholo: ULwazi lokuFunda nokuBhala nokuFunda kwiLayibrari yeSikolo sakho (Literacy and Learning at your School Library).
|
2. |
Inyanga yeLayibrari yeSikolo kuMazwe ngaMazwe (ISLM) iya kubavumela abo balawula iilayibrari zezikolo ukuba bakhethe usuku ku-Oktobha olulungela iimeko zabo ezithile ngeyona ndlela ibhetele ukwenzela ukuba babhiyozele ukubaluleka kweelayibrari zezikolo. Iiphowusta ze-ISLM 2008 kunye nee-bookmarks zingakhutshelwa kweli phepha lewebhu lezibonelelo ze-ISLM: http://www.iasl-online.org/events/islm/islm-resources.htm.
|
3. |
Kucelwa nifunde uxwebhu oluqhotyoshelweyo oluneengcebiso ezininzi malunga nokuba izikolo zeSebe iWCED zingayibhiyozela njani na inyanga yeLayibrari yeZikolo kuMazwe ngaMazwe ngo-2008, kukho namaziko ewebhu aluncedo ekunokungenwa kuwo, nenguqulelo esemthethweni yelogo ye-ISLM enokusetyenziswa kwizinto-yinto zokukhuthaza ukusetyenziswa kweelayibrari. Makuqatshelwe ukuba le logo yeyokusetyenziselwa ukupapasha iNyanga yeLayibrari yeSikolo kuMazwe ngaMazwe kuphela, ayenzelwanga iinjongo zorhwebo.
|
4. |
Ngenxa yokwanda kwendima ebalulekileyo neyimfuneko edlalwa zizibonelelo ezincedisa ukufunda nokufundisa (LTSM) ekufundiseni nasekufundeni okujolise kwiziphumo, ootitshala kufuneka babenolwazi ngokufumaneka kwezibonelelo zeelayibrari nezengcaciso ukwenzela le njongo. Njengenxalenye yokubhiyozela iNyanga yeLayibrari yeSikolo kuMazwe ngaMazwe ngo-2008, nokukhuthaza iinkonzo zeelayibrari nengcaciso zeWCED, niyacelwa nootitshala benu ukuba nenze amalungiselelo okutyelela i-EDULIS Library okanye aMaziko eZibonelelo eZithili zeMfundo adweliswe apha ngezantsi, ukufumana ulwazi nengcaciso malunga nezi nkonzo nezibonelelo zelayibrari nengcaciso eyodwa efumanekayo.
|
5. |
I-EDULIS Library eBellville naMaziko eZibonelelo eZithili zeMfundo (District Resource Centres) eKuils River, eMitchells Plain, ePaarl, eWorcester nase-George anezi zibonelelo zokuxhasa ukufunda nokufundisa (LTSM) ezivumela ukubolekwa kweencwadi ngulowo nalowo titshala, ngokunjalo neenqununu namagosa eWCED, okanye ukubolekwa kweqela leencwadi zizikolo zokusetyenziswa ngabafundi (block loans):
- izibonelelo ezininzi zokuxhasa ikharityhulam
- izibonelelo ezijolise kumfundi (learner-focused materials) (ekukho kuzo iincwadi zemifanekiso neenoveli zabafundi bayo yonke iminyaka yobudala ezinokusetyenziswa ngamathuba okufunda), nezivavanywe zajongisiswa ngokukodwa ukunceda ootitshala ukuba bakhethe izibonelelo zeelayibrari zezikolo zabo.
- iimbono ezikhuthazayo ezisekelwe kwimisebenzi ethile ukulungiselela izicwangciso zezifundo, nokuphucula izibonelelo zolwazi lokufunda nokubhala (uninzi lwazo lunako ukufotokotshwa)
- iincwadi ezininzi kakhulu ezisanda kupapashwa ezingolawulo nobunkokeli
- izibonelelo zokuhlupheza ingqondo icinge nzulu ezixhasa uphando kwezemfundo nokuqulunqwa kwemigaqo-nkqubo
- izibonelelo ezinengcaciso enaba ifikelele kwimiba yentlalo yangoku etshis' ibunzi (current critical issues), umz. ulwazi lokufunda nokubhala, iingxaki zemfundo ebandakanya wonke umfundi (inclusion), iingxaki zoluleko nezokuziphatha kakubi, ukwamkela iyantlukwano (differentiation), i-HIV/AIDS nengxaki yokuchatshazelwa kakubi butywala kweentsana ezingekazalwa (foetal alcohol syndrome).
- iividiyo, ii-DVDs, iikhasethi, ii-CDs, ii-CD-ROMs nezixhobo ze-multi-media ezifikelela kwizihloko ezininzi zokwandisa ulwazi nokunika inkxaso ukufundisa nokufunda eklasini.
|
6. |
Kungaqhagamshelwana naba noolayibrari/baququzeleli bamaziko ezibonelelo balandelayo ukufumana ingcaciso malunga noku kulapha ngentla:
Susan Hanekom | EDULIS Library, Bellville | 021 957 9618 |
Cheryl Joseph | Metro East Resource Centre/ EDULIS Branch Library, Kuils River | 021 900 5111 |
Ntombi Mngxuma | Metro South: Brian O'Connell Resource Centre, Mitchells Plain | 021 370 2084 |
Ina Heiberg | West Coast Resource Centre, Paarl | 021 860 1229 |
Janine Ontong | Cape Winelands Resource Centre, Worcester | 023 348 4657 |
Sam Webber | Eden and Central Karoo Resource Centre, George | 044 803 8328 |
|
7. |
Njengoko lingekho iziko lezibonelelo (resource centre) elisebenza ngendlela eyiyo kwiSithili seMfundo i-Metro Central Education District, yaye ukuphendula izicelo ezininzi ezivela kootitshala abasezikolweni kwesi sithili semfundo, kuvulwe iNdawo yokuBuyisa iiNcwadi (Collection Point) e-EDUMEDIA eMowbray ukulungiselela izikolo eziboleka iqela leencwadi (school block loans) kwiLayibrari u-EDULIS. La malungiselelo ethutyana aya kusebenza de libe lisekiwe iziko lezibonelelo kwi-Ofisi yeSithili seMfundo i-Metro Central.
|
ISAYINWE: NGU-S.M. NAICKER
INTLOKO: YESEBE LEMFUNDO
UMHLA: 2008:09:22
|