| 1. |
Ii-CTA ziya kuqhutywa kwakhona kwikota yesi-4 yalo nyaka wezifundo kwaye kuphela kwemisebenzi yovavanyo eyenziwa kulandelwa imigaqo nethi irekhodelwe loo kota. Abafundi beBakala 9 abakwizikolo zikarhulumente nezizimeleyo mabenze zombini, i-CASS ne-CTA (iCandelo A neCandelo B). ICandelo B, eliluvavanyo olubhalwa kusetyenziswa ipeni nephepha, luya kubhalwa lugqitywe ngeeyure ezimbini kwinkalo yesifundo nganye.
|
| 2. |
Ngethuba lamalungiselelo ovavanyo lwephondo lwabafundi beBakala 9, waye wacelwa ukuba uqinisekise ukuba idatha yabo bonke abafundi beBakala 9 yeziko ledatha le-CEMIS ihlaziyiwe ungadlulanga owe-31 Januwari 2008.
|
| 3. |
Kwixesha elidlulileyo, kwafika intlaninge yezicelo ezivela ezikolweni ezafumana inani elingachanekanga lamaphepha ovavanyo, ngenxa yokuba iitotali zazo kwi-CEMIS zazingachanekanga. Iziganeko ezinjengezi zidala iingxaki ezinkulu, hayi nje kuphela kwiSebe leMfundo, koko nakubafundi ngokunjalo, abaye bazifumane sebephantsi koxinzelelo olukhulu.
|
| 4. |
Njengoko ii-CTA ziya kusiwa kuwe kwikota yesi-3, ziyacelwa kwakhona iinqununu ukuba zihlaziye idatha yazo yabafundi beBakala 9 kwi-CEMIS ungadlulanga owe-23 Meyi 2008. Ngokunxulumene noku, kubaluleke ngakumbi ukuqinisekisa ukuba abafundi babhaliswa ngokuchanekileyo kumanqanaba ahlukeneyo eelwimi abazifundayo.
|
| 5. |
Ngenxa yoku sele kukhankanywe apha ngasentla, ukuba isikolo asiyihlaziyanga idatha ye-CEMIS, eso sikolo siya kuluthwala ngokwaso uxanduva lokuqinisekisa ukuba umfundi ngamnye ufumana incwadi/iincwadi ye/ze-CTA yokusetyenziswa xa kubhala i-CTA, njengoko i-WCED ingasayi kubonelela ngazo naziphi na ezinye iikopi ezongezelelweyo.
|
| 6. |
Kucelwa uqaphele ukuba ukuze kukhutshwe iSatifikethi seMfundo Jikelele kwixa elizayo (General Education Certificate), umfundi ngamnye makabe ubhalisile kwi-CEMIS, ngenombolo yesazisi yakhe echanekileyo.
|
| 7. |
Iya kuthakazelelwa intsebenziswano yakho malunga noku.
|
ISAYINWE: NGU- AP CLAUSEN
INTLOKO: YESEBE LEMFUNDO
UMHLA: 2008:05:08
|