| 1. |
ISebe leMfundo leNtshona Koloni (WCED) likubona kubalulekile gqitha ukuba zonke izikolo zibeneshedyuli yomsebenzi eziiveki eziyi-37 ukuqinisekisa ukufunda nokufundisa ngendlela eyiyo eklasini ngo-2008.
|
| 2. |
Ishedyuli yomsebenzi sisicwangciso sonyaka wonke esifikelela ubuncinane kwiiveki eziyi-37 esikhokela utitshala ngokumalunga nento eya kufundiswa kwibakala. Ishedyuli yomsebenzi isuka kwiProgram yoKufunda yesigaba necacisa gca ikhontenti, ulwazi olungundoqo nezakhono eziza kufundiswa kuloo nyaka uthile.
|
| 3. |
Ikhweshine emalunga neeshedyuli zomsebenzi zamaBakala R - 9 iya kuthunyelwa kuzo zonke izikolo kwiintsuku nje ezimbalwa ezizayo ukuqinisekisa ukuba ngaba iishedyuli zomsebenzi ezilolu hlobo ziyasetyenziswa na eziklasini nokuba zisetyenziswa banzi kangakanani na. Abacebisi ngezekharityhulam baya kukulandela oku ngotyelelo olungaxelwanga (spot checks).
|
| 4. |
Imizekelo yeeProgram zoKufunda yathunyelwa ezikolweni ukususela ngo-2004 - 2006 njengesikhokelo ukuncedisa ootitshala beSigaba seSiseko, abeSigaba esiPhakathi nabeSigaba saBadala ekucwangciseni ngendlela eyiyo. Le mizekelo ifikelela kuzo zonke iziphumo zokufunda ezichaphazelekayo nakwimigangatho yovavanyo ize ibandakanye neempawu zeshedyuli yomsebenzi.
|
| 5. |
Ziyacelwa iinqununu ukuba zincede ziqinisekise ukuba le khweshine izayo iyazaliswa ngabaququzeleli besigaba abachaphazelekayo okanye ngootitshala abaziintloko zezifundo esikolweni nokuba iyabuyiswa ngomhla elindeleke ngawo ocacisiweyo.
|
ISAYINWE: NGU-S.M. NAICKER
INTLOKO: YESEBE LEMFUNDO
UMHLA: 2008:01:31
|