| 1. |
INgcaciso eMfutshane 0011/2008 yeCandelo loPhuhliso lweKharityhulam ephathelele kwi-QIDS UP kwizikolo zamaNqanaba eNtlupheko (National Quintile) 1, 2 no-3, yavakalisa ukuba amalungiselelo ezibonelelo kwezi zikolo ziziiprayimari neesekondari aya kugxininisa ekuphuculeni umgangatho wemfundo ukuze kubonelelwe ngamathuba alinganayo apha eNtshona Koloni ngokusebenzisa inkqubo yokulungisa umonakalo wethuba langaphambili.
|
| 2. |
Kwilinge lokunika inkxaso ukufundisa nokufunda kwii-Physical Sciences, iSebe leMfundo leNtshona Koloni liphumeze le projekthi ingentla, neya kugxininisa kule miba ilandelayo:
|
| 2.1 |
Izikolo eziziisekondari zeQIDS UP ziya kubonelelwa ngee-aparethasi, izixhobo neekhemikhali ezisisiseko ukunika abafundi ithuba lokuqhuba imisebenzi yophando eyenziwayo nokubenza ukuba bayenze baze bayiphumeze ngokwabo imisebenzi yabo yophando.
|
| 2.2 |
Kulindeleke ukuba ootitshala bePhysical Sciences kwezi zikolo babekho kule seshoni yoqeqesho inyanzelekileyo engokuba zisetyenziswa njani na, zigcinwe zikhuselekile njani na yaye zilondolozwe njani na ii-aparethasi, izixhobo neekhemikhali. Uqeqesho luya kubandakanya le miba ilandelayo: ukukhethwa nokusetyenziswa kwestokhwe sesayensi esibonelelweyo, ukhuseleko nokugcinwa kwaso ngokungqinelana noMgaqo-nkqubo weWCED neMigaqo yoKhuseleko kwisayensi yezikolo, nokurekhodwa kwazo kwi-inventri yePhysical Sciences. Uqeqesho olunyanzelekileyo lulungiselelwe iKota yokuqala ka-2009 kwaye iinkcukacha ezimalunga nalo ziya kuthunyelwa esikolweni sakho kwakamsinya.
|
| 2.3 |
Iiseshoni zoqeqesho eziqhutywa kwizithili ngezithili, ziya kulungiselelwa ngolu hlobo:
| ISITHILI SEMFUNDO | UMHLA |
| Eden & Central Karoo (George) | 24 Januwari 2009 |
| Cape Winelands, West Coast and Overberg (Worcester) | 31 Januwari 2009 |
| Metro East and Metro North (Kuils River) | 7 Februwari 2009 |
| Metro South and Metro Central (Kuils River) | 14 Februwari 2009 |
Iinkcukacha ezingaphezulu malunga neendawo namaxesha ziya kuthunyelwa esikolweni sakho kungekudala.
|
| 3. |
Inqununu negosa lokhuseleko lesayensi lesikolo baya kuthwala uxanduva lokhuseleko, ukugcinwa, ukulondolozwa, ukubekwa esweni nokurekhodwa kwestokhwe sesayensi esithengelwe isikolo. Izixhobo zesayensi neekhemikhali ziya kusiwa ezikolweni ezikhethiweyo ngethuba lekota yesine, ukususela ku-Oktobha de kuye ekupheleni kukaNovemba 2008.
|
| 4. |
Mayiqinisekise inqununu negosa lokhuseleko lesayensi lesikolo ukuba isikolo sabo sifumana ii-ayithem ezidweliswe kwi-invoyisi kwaye ezi ayithem azinazo naziphi na iziphene. Oku makwenziwe ngokukhawuleza emva kokufika kwestokhwe esikolweni. Nasiphi na isiphene okanye ukungabikho kwee-ayithem ezizisiweyo makuxelwe ngokukhawuleza kumboneleli-nkonzo nakuMnu Don Francis. Ii-ayithem mazibhalwe kwi-inventri yePhysical Sciences. Ii-invoyisi ezisayiniweyo mazifayilishwe zize zirekhodwe kwirejista yee-asethi yesikolo.
|
| 4.1 |
U-Don Francis nabacebisi ngezekharityhulam kwisithili semfundo ngasinye baya kuyibeka esweni inkqubo yokusiwa kwezi zibonelelo.
|
| 4.2 |
IsiHlomelo A luluhlu lokutshekisha omaluzaliswe ligosa lokhuseleko lesayensi lesikolo luze lufekselwe kuMnu Don Francis ukuba aluthathele ingqalelo ngokusebenzisa le nombolo yefeksi 021 467 2258.
|
| 5. |
Kwizikolo apho lingekatyunjwa igosa lokhuseleko lesayensi lesikolo, iNtloko yeCandelo ejongene neePhysical Sciences iya kubambela njengegosa lokhuseleko lesayensi lesikolo ngethuba lokuqhuba kwale projekthi.
|
| 6. |
Iinqununu maziqinisekise ukuba igosa lokhuseleko lesayensi lesikolo nabo bonke ootitshala beePhysical Sciences bayayifumana ikopi yale ngcaciso imfutshane.
|
ISAYINWE: NGU-SM NAICKER
INTLOKO: YESEBE LEMFUNDO
UMHLA: 2008:11:14
|