| 1. |
I-South African Society for History Teaching (SASHT) iza kubamba inkomfa yonyaka yayo eKapa kulo nyaka. Le nkomfa ibaluluke kakhulu njengoko iyinkomfa yokukhumbula iminyaka eyi-350 yokuqalwa kwemfundo efumaneka esikolweni (formal schooling) eMzantsi Afrika. Isithethi esiphambili uNksk Jacqui Dean, ngohlonitshwa kakhulu kwimfundo yezembali e-United Kingdom. UNksk Dean ukwathatha inxaxheba kwiprogram yokufundisa ezembali eMzantsi Afrika kwaye ke ngoko unolwazi ngeemfuno zokufundiswa kweeNkcazo zeKharityhulam kaZwelonke ze-Social Sciences ne-History.
|
| 2. |
Njengoko iSASHT ijolise kwizinto ezintsha eziqhubekayo ekufundiseni ezembali, kuya kuzuzwa lukhulu kule nkomfa ngabacebisi ngezekharityhulam nangootitshala be-History. Kwakhona ikwalithuba lokunxibelelana nabacebisi ngezekharityhulam nootitshala bamanye amaphondo.
|
| 3. |
Kuqhotyoshelwe apha iinkcukacha ngale nkomfa. Ukuba nabani na unomdla wokuza kule nkomfa, kucelwa azalise le fom iqhotyoshelweyo yokwenza isicelo aze ayingenise ngqo kumququzeleli wenkomfa uProf. Rob Siebörger oseYunivesithi yaseKapa.
|
| 4. |
Kucelwa wazise okukule ngcaciso imfutshane ii-HODs neeNtloko zeSifundo se-History nabo bonke ootitshala be-History ukuze bakuthathele ingqalelo.
|
ISAYINWE: NGU-SM NAICKER
INTLOKO: YESEBE LEMFUNDO
UMHLA: 2008:09:08
|