| 1. |
IGLOBAL CITIZENSHIP PROJECT (GCP) ixhobisa abafundi ngezakhono ezifunekayo ezingokuphila kusondelelwano loluntu lwamazwe ngamazwe ehlabathi kwiNkulungwane ye-21 (Global community in the 21st Century).
|
| 2. |
Le projekthi ixhobisa ootitshala ngezakhono zokuziphuhlisa bona buqu neze-ICT ukuqinisekisa ukuba banako ukubakhokela ngempumelelo abafundi kule program.
|
| 3. |
Bonke ootitshala besifundo soLwazi ngezoBomi bamele ukuqeqeshwa ukuze babe nokuzithemba yaye babe nolwazi lokusebenzisa izakhono ze-ICT kwizifundo zoLwazi ngezoBomi.
|
| 4. |
Ikhosi yoqeqesho kwi-GCP iya kwenzelwa ootitshala beBakala 10 besifundo soLwazi ngezoBomi.
|
| 5. |
Kucelwa utitshala OMNYE weBakala 10 kwisikolo ngasinye ukuba aye kwiseshoni yoqeqesho eya kuqhubeka nge-26 Julayi 2008, ukuqala ngo-8:30 - 16:00, kwezi ndawo zilandelayo:
| INDAWO | IZITHILI EMAZIYE EKHOSINI |
| Bellville South SSS, Bellville South | Metro East, North, South and Central |
| Weston SSS, Vredenburg | West Coast |
| Bridgton SSS, Oudtshoorn | Eden & Central Karoo |
| Esselenpark SSS, Worcester | Cape Winelands and Overberg |
|
| 6. |
Ootitshala abahlala kumgama ongaphezu kweekhilomitha ezingama-20 ukusuka kwindawo yoqeqesho baya kubuyiselwa ngeendleko zokuhamba. Ootitshala abanenjongo yokwenza izicelo zamabango entlawulo ngezi ndleko mabeze nale ngcaciso ilandelayo ekhosini:
- Inombolo yePESALI
- Umthamo wenjini yesithuthi nonyaka esenziwe ngawo
- Umgama ngeekhilomitha ukusuka esikolweni ukuya kwindawo yoqeqesho
|
| 7. |
Ootitshala abasuka kwizithili ezisemaphandleni abafuna indawo yokuhlala mabazenzele amalungiselelo abo. Aba titshala mabangenise amabango abo entlawulo ngeendleko zendawo yokuhlala phambi kokuba bagoduke ngosuku lokugqibela lwekhosi.
|
| 8. |
Ziyacelwa iinqununu ukuba zithumele ngefeksi ifom yobhaliso ezaliswe ngokupheleleyo, isiHlomelo A, kuMcwangcisi oMkhulu weKharityhulam (Senior Curriculum Planner yeLife Orientation), uNksk D. Christiaans apha 021 467 2258, ungadlulanga owe-18 Julayi 2008.
|
| 9. |
Ziyakhunjuzwa iinqununu ukuba ukuya kwezi khosi kungathathelwa ingqalelo xa kuzaliswa iifom ze-IQMS zootitshala.
|
| 10. |
Ziyacelwa iinqununu ukuba zazise okubhalwe kule ngcaciso imfutshane bonke ootitshala besifundo soLwazi ngezoBomi ukuze bakuthathele ingqalelo.
|
| 11. |
Ukuba ufuna ingcaciso engaphezulu, kucelwa uqhagamshelane noNksk D Christiaans, uMcwangcisi oMkhulu weKharityhulam yeLife Orientation (FET), kule nombolo yefoni 021 467 2589 okanye umthumelele i-imeyili apha dchristi@pgwc.gov.za
|
ISAYINWE: NGU-GR KOOPMAN
INTLOKO: YESEBE LEMFUNDO
UMHLA: 2008:07:02
|