| 1. |
INkcazo yeKharityhulam kaZwelonke yeCivil Technology ibonelela ngokufundiswa kweComputer-supported Drawing (CSD) kumaBakala 10 - 12.
|
| 2. |
ISebe leMfundo leNtshona Koloni (WCED) belisoloko liqhuba iiseshoni zoqeqesho kootitshala beCivil Technology ukusuka ku-2006 kwaye ngoku likulungele ukumana lifakela eli candelo.
|
| 3. |
Lo mboneleli-nkonzo, Knowledge Base, wanika isoftware eyimfuneko, mahala, isikolo ngasinye esinotitshala owayefumene uqeqesho.
|
| 4. |
Iincwadana zemigaqo, ezanikwa ngethuba loqeqesho, ziyafumaneka nazo nge- R57.00 ikopi nganye. Ii-odolo mazifakwe ngqo kwaKnowledge Base.
|
| 5. |
Ilayisensi, ngokuxhomekeka kwimigaqo ekhankanyiweyo yokusetyenziswa kwayo, ivumela izikolo ukuba zifake isoftware kwiikhompyutha zazo. Ukugunyaziswa kokusetyenziswa kwesoftware kuphelelwa xa utitshala owayefumene uqeqesho esishiya isikolo eso.
|
| 6. |
Izikolo zaphinda zanikwa isoftware abafundi abanokuyifaka kwiikhompyutha zabo ekhaya.
|
| 7. |
I-CSD iya kuqaliswa kwiBakala 10 kulo nyaka, kwiBakala 11 ngo-2009 nakwiBakala 12 ngo-2010. Ngokweshedyuli yomsebenzi yeBakala 10, i-CSD inikwa kwikota yesithathu, kuze kumaBakala 11 no-12 inikwe kwikota yokuqala.
|
| 8. |
Le ncwadana yemigaqo, Information Technology and Communication, ibonisa kwikhasi …… ukuba makunikwe iyure ngeveki yokwenziwa kwe-CSD kwiiklasi zeCivil Technology.
|
| 9. |
Ngenxa yokuba iiNkcazo zeKharityhulam zeCivil Technology and Engineering Graphics and Design (EGD) zibonisa ukuqaliswa kwe-CSD kwiBakala 10, amacandelo eshedyuli yomsebenzi we-EGD weBakala 10 aqhotyoshelwe apha ukuze asetyenziswe kwiCivil Technology.
|
| 10. |
Izikolo ziya kuhanjelwa ngale kota ngabacebisi ngezekharityhulam yaye, apho kunokwenzeka, oko kwenziwe ngumboneleli-nkonzo, u-Knowledge Base, ukuqinisekisa inqanaba lokulungela kwazo ukumana kufakelwa i-CSD.
|
| 11. |
Ziyacelwa iinqununu zezikolo ukuba zazise okubhalwe kule ngcaciso imfutshane ootitshala nabafundi abachaphazelekayo.
|
ISAYINWE: NGU-P SATYO
INTLOKO: YESEBE LEMFUNDO
UMHLA: 2008:05:16
|