| 1. |
Kuya kubanjwa inkomfa encinane yootitshala beJografi nabeeSayensi zeNtlalo nge-12 ne-13 Septemba 2008. Umxholo wenkomfa uthi “A changing geography for a changing world” kwaye le nkomfa iya kugxinisa kuphuhliso lwesifundo, kwakunye nakwiindlela zokufundisa, zokufunda nezovavanyo eklasini yejografi.
|
| 2. |
Le nkomfa iya kubanjelwa eMain Hall kwiYunivesithi yaseNtshona Koloni eModderdam Road, eBellville. Le program intsuku-mbini iya kufumaneka kusakuba nje kuqinisekiswe umdla wootitshala kule nkomfa. (Fumana okuqhotyoshelwe apha, njengesiHlomelo A, uluhlu lwezihloko ekungaxoxwa ngazo kule nkomfa. Ziya kuthakazelelwa naziphi na iingcebiso ngezihloko ezinokongezwa.)
|
| 3. |
Ootitshala abaya kuya kule nkomfa incinane kufuneka babhalise kumcebisi ngezekharityhulam wabo ochaphazelekayo kwi-ofisi yabo yesithili semfundo. Kufuneka kungeniswe le fom yobhaliso iqhotyoshelwe apha (isiHlomelo B) kumcebisi ngezekharityhulam ungadlulanga owe-13 Juni 2008. Akukho bantu babhalise kade baya kwamkelwa.
|
| 4. |
Iindleko zokuhamba nezendawo yokulala
|
| 4.1 |
Ootitshala abahamba umgama ongaphezu kweekhilomitha ezili-100 ukusuka kwindawo yenkomfa bangenza awabo amalungiselelo endawo yokulala baze bafake ibango ngeendleko zabo eliyi-R750 elona liphezulu ngosuku (ezibandakanya konke - isidlo sangokuhlwa, ibhedi nesidlo sakusasa).
|
| 4.2 |
Ootitshala abakhetha ukuzilungiselela indawo yokulala yabucala neentsapho okanye nabahlobo babo bangenza ibango ngeendleko zabo eliyi-R200 elona liphezulu ngosuku. Kwiimeko ezilolu hlobo, makuqhotyoshelwe irisithi kwifom yebango engeniswayo.
|
| 4.3 |
I-WCED ayisayi kubabuyisela ootitshala ngeendleko ekungenwe kuzo ngokufonela bucala (private telephone calls) okanye ngokusela iziselo ezinxilisayo.
|
| 5. |
Iindlela zokwenza ibango ngeendleko
|
| 5.1 |
Ootitshala mabangenise iifom zabo zebango kumphathi wenkomfa kwindawo ekuqhutyelwa kuyo inkomfa ekupheleni kwenkomfa. Kubalulekile ke ngoko, ukuba utitshala ngamnye aze nezi zinto zilandelayo kwinkomfa ngosuku lwesibini:
- Inombolo yePesali yakhe
- Iinkcukacha zobhaliso lwesithuthi sokuhamba asisebenzisileyo
- Iinkcukacha ze-akhawunti yebhanki yakhe
- Zonke ii-invoyisi ezinxulumene neendleko zendawo yokulala nehambo
|
| 5.2 |
Ootitshala abasebenzisa izithuthi zikawonke-wonke (iinkonzo zebhasi noololiwe) mabaqhoboshele iirisithi ezisemthethweni kwizicelo zabo zebango. Apho ootitshala basebenzisa iimini-bhasi, makuqhotyoshelwe nokuba ziirisithi ezikhutshiweyo okanye ileta evela kwinqununu yabo, echaza ngeendleko ekungenwe kuzo.
|
| 5.3 |
Utitshala ngamnye makangenise ibango lakhe yedwa elingqinisisiweyo (separate verified claim).
|
| 6. |
Nazi iinkcukacha zoqhagamshelwano zabacebisi ngezekharityhulam:
| Isithili semfundo nedilesi yeposi | Ifeksi | Ifoni | Umcebisi ngezekharityhulam |
Metro Central
P.O. Box X4, Athlone, 7764 | 021 659 4413 | 021 659 4324 | Penny Liknaitzky |
Metro South
P Bag X2, Mitchell’s. Plain, 7785 | 021 372 1856 | 021 370 2000 | Najoewa Awaldien |
Metro North
P Bag X14, Bellville, 7535 | 021 9383183 | 021 938 3000 | Wilma McPherson |
Metro East
P Bag X13, Sanlamhof, 7580 | 021 903 2149 | 021 900 7194 | Andre Filander |
Overberg
Durban Rd Worcester | 023 342 4138 | 023 348 4600 | Vernon Munnik |
Cape Winelands
Durban Road, Worcester | 023 342 4138 | 023 348 4600 | Vernon Munnik |
Eden & Karoo
P Bag X6510, George, 6530 | 086 512 7752 | 044 803 8300 | Rozelle Smith |
West Coast
Paarl | 021 860 1231 | 021 - 8601233 | Lorna McPherson |
|
| 7. |
Imibuzo malunga nenkomfa ingabhekiswa kuMnu Andrew Isaacs kule dilesi ye-imeyili anisaacs@pgwc.gov.za okanye ithunyelwe ngefeksi apha 086 528 2896 okanye kule nombolo yefoni 021 467 2200/2585.
|
| 8. |
Ziyacelwa iinqununu ukuba zincede ziqinisekise ukuba okubhalwe kule ngcaciso imfutshane kwaziswa bonke ootitshala beJografi bamaBakala 10 - 12.
|
ISAYINWE: NGU- SM NAICKER
INTLOKO: YESEBE LEMFUNDO
UMHLA: 2008:06:10
|