| 1. |
I-Kirstenbosch National Botanical Garden iya kuba nomboniso nge-22 Meyi 2008 oqala ngo-09:00 - 16:00, ongomxholo othi: What is biodiversity and who is involved? (Sithetha ukuthini ngeentlobo-ntlobo zezityalo nezilwanyana kwaye ingubani ochaphazelekayo?)
|
| 2. |
Esi siganeko sijoliswe kumaBakala 10 - 12, kwakunye nakubafundi abakumaziko emfundo ephakamileyo, kwaye sigxile kwiiprojekthi ezikhoyo ngoku eNtshona Koloni zolondolozo lweentlobo-ntlobo zezityalo nezilwanyana zendalo.
|
| 3. |
Kuya kuxoxwa ngezihloko ezibalulekileyo nezinomdla ezinxulumene nomsebenzi wolondolozo lwendalo, kwaye kuya kunikwa nengcaciso ngamakhondo omsebenzi anxulumene nolondolozo lweentlobo-ntlobo zezityalo nezilwanyana zendalo neenkalo zokufunda nzulu ngazo (fields of study) kumaziko emfundo ephakamileyo.
|
| 4. |
Ziyakhunjuzwa izikolo ukuba ukuya kwesi siganeko ngeeyure zesikolo makwenziwe ngemvume yomlawuli wesithili kwaye isikolo siya kuzihlawulela ngokwaso iindleko zoku.
|
| 5. |
Ukufumana ingcaciso engaphezulu ngesi siganeko, nangeminye imiba yeentlobo-ntlobo zezityalo nezilwanyana zendalo kuzwelonke, kucelwa uqhagamshelane noMnu Augustine Morkel kule dilesi ye-imeyili amorkel@sanbi.org okanye ngale nombolo yefoni 021 799 8899 okanye 083 324 7877, okanye uye kwiziko lewebhu le-SANBI apha www.sanbi.org
|
| 6. |
Ziyacelwa iinqununu ukuba zazise okubhalwe kule ngcaciso imfutshane bonke ootitshala beeSayensi ngezoBomi nootitshala besifundo soLwazi ngezoBomi be-FET (FET Life Sciences and Life Orientation).
|
ISAYINWE: NGU- CR SMITH
INTLOKO: YESEBE LEMFUNDO
UMHLA: 2008:04:25
|