| 1. |
Le thayimthebile iqhotyoshelweyo yoviwo lukaJuni 2008 lweMfundo yaBadala kwiNqanaba 4 ifike ivela kwiSebe leMfundo likazwelonke. Uviwo luya kuqala ngowesi-3 Juni 2008 luze luphele nge-24 Juni 2008. Nganye inkalo yesifundo iya kubhalwa ukususela ngentsimbi ye-14:00 kuye kweye-17:00. Njengoko olu vavanyo iyinkqubo eyenzeka kwizwelonke, imihla namaxesha ayafana kwilizwe lonke yaye akusayi kuvunyelwa konke konke ukutenxa kule thayimthebile yamaxesha okubhala.
|
| 2. |
Njengangaphambili, ngamagosa akwizithili nakwaNdlunkulu nabameli baka-UMALUSI abaya kubeka esweni (monitor) inkqubo yokubhalwa koviwo.
|
| 3. |
Ukuba uvavanyo lwenzelwa kumasango esikolo esiqhelekileyo, umphathi weziko lemfundo yabadala makenze amalungiselelo kwangoko okuba kusetyenziswe igumbi elinqatyisiweyo, isakhiwo sezolawulo, amagumbi okufundisela namancedo ezindlu zangasese njl. njl.
|
| 4. |
Makancede amaziko aqinisekise ukuba abagadi babaviwa abaziintloko nabagadi babaviwa bawo baqeqeshiwe ncam yaye bayakwazi ukukusingatha ngempumelelo ukuqhutywa koviwo.
|
| 5. |
Ngumsebenzi wabaphathi bamaziko emfundo ukusingatha imibandela yezolawulo. Ngako oko ke, bonke abaphathi bamaziko mababe kumaziko oviwo phambi kokuqala kweseshoni nasekupheleni kweseshoni yovavanyo nganye.
|
| 6. |
Akukho mntu makavunyelwe angene kwindawo ekubhalelwa kuyo uviwo ngaphandle kokuba aqale aveze isazisi (ID) okanye ileta yokuvunyelwa ukubhala uviwo.
|
| 7. |
Bayacelwa abaphathi bamaziko emfundo yabadala ukuba:
|
| 7.1 |
banike bonke ootitshala nabaviwa ithayimthebile ngokukhawuleza ukwenzela ukuba babe nako ukwenza izicwangciso zokugqibela zoviwo.
|
| 7.2 |
bakhumbuze bonke abaviwa babo ukuba kufuneka bavelise izazisi zabo neeleta zokuvunyelwa ukubhala uviwo, phambi kokuba kuqale iseshoni yovavanyo nganye.
|
| 7.3 |
banqwenelele bonke abaviwa impumelelo kwiimvavanyo zabo egameni leli Sebe leMfundo.
|
ISAYINWE: NGU-Z. MODIMAKWANE
INTLOKO: YESEBE LEMFUNDO
UMHLA: 2008:03:19
|