1. |
Le ngcaciso imfutshane ithatha indawo yengongoma 3 ekule Ngcaciso eMfutshane yeCandelo lezoLawulo lweeMvavanyo 0009/2008.
|
2. |
Makulandelwe le nkqubo ilandelayo kwi-Music Paper 2 (Music Comprehension).
|
2.1 |
ISebe iWCED liya kubonelela isikolo ngasinye okanye iziko lokubhalela nge-compact disk (CD) kwangaphambili (in advance).
|
2.2 |
Le CD iya kufakwa yodwa ingadityaniswa namaphepha emibuzo eemviwo eMusic Paper 2.
|
2.3 |
Umgadi wabaviwa oyintloko makavume (must acknowledge) ukuba uyifumene iCD kwaye makayigcine iCD kwindawo ekhuselekileyo.
|
2.4 |
Mazingaze izikolo zenze iikopi zale-CD kwaye yi-CD eyintsusa (original) kuphela emayisetyenziswe.
|
2.5 |
Kwiveki engaphambi kweyokubhala iimviwo, utitshala woMculo makayivavanye iCD nezixhobo zesandi eziya kusetyenziswa ngethuba leemviwo, kukho umgadi wabaviwa oyintloko. Zonke iitrekhi mazivavanywe.
|
2.6 |
Utitshala woMculo nomgadi wabaviwa oyintloko mabasayinele ukuba beyivulile baze bayitshekisha iCD.
|
2.7 |
Ukuba iCD inemposiso, makwaziswe uMnu Clive Berry, weCandelo leeMviwo ngokukhawuleza kule nombolo yefoni 021 467 2265.
|
2.8 |
Ngosuku loviwo, utitshala woMculo makayitshekishe iCD kwiyure engaphambi kokuqalisa koviwo.
|
2.9 |
Itrekhi yomculo nganye mayidlalwe amatyeli aliqela acaciswe kwiphepha lemibuzo yeemviwo. Makunikwe ixesha elaneleyo phakathi kweetrekhi ukwenzela ukuba abaviwa babhale iimpendulo zabo phambi kokuba kudlalwe itrekhi elandelayo.
|
2.10 |
Makungaphindwa, naphantsi kwazo naziphi na iimeko, ukudlalwa kwetrekhi ngenxa yesicelo sabaviwa.
|
2.11 |
Mayibe neebhetri i-CD player ukuqinisekisa ukuba iitrekhi zomculo zinokudlalwa xa kunokuthi kumke umbane.
|
2.12 |
Makusetyenziswe igumbi elifanelekileyo nezixhobo zesandi ezifanelekileyo ukuqinisekisa ukuba ukuvakala kwesandi (acoustics) kusemgangathweni.
|
2.13 |
Uviwo malugqitye ngeeyure eziyi-1½.
|
2.14 |
Bonke abaviwa mabaphume kwigumbi lokubhalela uviwo emva kokuphela kwexesha elicwangcisiweyo. Akukho mviwa unokuvunyelwa ukuba emke phambi kokuba kuphele ixesha elicwangcisiweyo.
|
2.15 |
Uviwo maluqhutywe kukho nomgadi wabaviwa oyintloko.
|
3. |
Siyanibulela ngenkxaso nangentsebenziswano yenu.
|
ISAYINWE: NGU-AP CLAUSEN
INTLOKO: YESEBE LEMFUNDO
UMHLA: 2008:11:20
|