IMibuzo: TJ MAGWACA
IFoni: 021 467 2626
IFeksi: 021 467 2620
ISalanthiso: 14/1/2/1
20081001-0009
Wes-Kaap Onderwysdepartement
Western Cape Education Department
ISebe IeMfundo IeNtshona Koloni

INGCACISO EMFUTSHANE YECANDELO LEZOLAWULO LWEEMVAVANYO:  0015/2008


IYA:   

KUMASEKELA BALAWULI-JIKELELE, KUBALAWULI ABAZIINTLOKO, KUBALAWULI, KUMASEKELA BALAWULI, KWIINGCALI ZEMFUNDO EZIZIINTLOKO, KUBAPHATHI BEEKOMITI ZEESEKETHE, KUBAPHATHI BEZE-IMG, KUBAPHATHI BECANDELO LEENGCEBISO NOKUQUQUZELELA EZEKHARITYHULAM, KUMASEKELA EENGCALI ZEMFUNDO EZIZIINTLOKO, KUBAPHATHI BECANDELO LOKUNIKA INKXASO KWIMFUNDO ENEEMFUNO EZIZODWA, KUBACEBISI NGEZEKHARITYHULAM, KWIINTLOKO ZAMAZIKO ALUNGISELELA ABAVIWA IIMVIWO ZESATIFIKETHI SEMATRIKI SIKAZWELONKE, NAKUBAPHATHI BAMAZIKO EMFUNDO OLUNTU


 

UKUBEKWA ESWENI KWEEMVIWO ZEMFUNDO NOQEQESHO LWABADALA ZENQANABA 4 (ADULT EDUCATION AND TRAINING LEVEL 4) KUNYE NEZESATIFIKETHI SEMATRIKI SIKAZWELONKE NEZEMATRIKI: NGOKTOBHA 2008 UKUYA KUJUNI 2009


1. Ukuqinisekiswa komgangatho weenkqubo zeemviwo kuwo onke amanqanaba kubaluleke gqitha ekuqinisekiseni ukuthembeka kweziphumo zeemviwo. Oku kubandakanya utyelelo, olungayi kwaziswa abo batyelelwayo, kumaziko okubhalela iimviwo ukwenzela ukuqinisekisa ukuba zonke iinkqubo zenziwa ngendlela eyiyo nangokungqinelana nemigaqo yokuqhutywa kweemviwo, yokubhalwa kwazo nokulawulwa kwazo.
2. Abameli abavela kule mibutho mithathu ilandelayo baya kubeka esweni iinkqubo zeemviwo:

  • KwiSebe leMfundo leNtshona Koloni: Njengoko bekunjalo kwixa elidlulileyo, abaphathi beekomiti zeesekethe, abacebisi ngeze-IMG, amalungu eekomiti ezijongene nemiba ngemiba yezemfundo okanye amalungu eCandelo eliyiNtloko leeMvavanyo neeMviwo aya kutshekisha ukuba ngaba iinkqubo zenziwa ngendlela eyiyo na.
  • Ku-Umalusi - IBhunga lokuQinisekisa uMgangatho kwiMfundo Ngokubanzi nakwiMfundo noQeqesho eluQhubelekayo (Council for Quality Assurance in General and Further Education and Training)
  • KwiSebe leMfundo likazwelonke
3. Kuqeshwe amagosa okubeka esweni iimviwo avela ku-Umalusi nakwiSebe leMfundo likazwelonke ukulungiselela ngokukodwa le njongo yaye akayi kunyanzeleka ukuba akhatshwe ngamagosa eSebe leMfundo leNtshona Koloni xa etyelela izikolo.
4. Abaphathi beekomiti zeesekethe, abacebisi ngeze-IMG namalungu angamagosa eekomiti ezijongene nemiba ngemiba yezemfundo akayi kubeka esweni iimviwo kwiisekethe zawo kuphela.
5. La magqiza aya kuba nezazisi zawo yaye aya kutshekisha zonke iinkqubo zeemviwo, umzekelo, ukukhutshwa kwamaphepha emibuzo eemviwo kumagumbi anqatyisiweyo, ukugcinwa ngokhuselekileyo nokugcinwa kwamaphepha emibuzo eemviwo kumagumbi anqatyisiweyo, ukubhalwa kanye kweemviwo kwiindawo zokubhalela iimviwo, nokugadwa kwabaviwa.
6. Akukho mntu makavunyelwe ukuba angene kwigumbi lokubhalela uviwo engasibonisanga isazisi esamkelekileyo esivela ku-Umalusi okanye kwiSebe leMfundo likazwelonke okanye ileta yokuqeshwa kwakhe njengomntu obeke esweni iimviwo (monitor) evela kwiSebe i-WCED. Ukuba kukho nayiphi na intandabuzo ngokuzazisa komntu, intloko yeziko mayifonele ngokukhawuleza uMlawuli weCandelo lezoLawulo lweeMvavanyo (uNksk Z Modimakwane) kwezi nombolo 021 467 2057 / 084 608 4596, uMlawuli weCandelo lezoLawulo lweeMviwo (Examination Administration), (uMnu AP Clausen) kwezi nombolo: 021 467 2945 / 082 773 9980, uMnu J Parbhoo kule nombolo 021 467 2572 okanye uMnu TJ Magwaca kule nombolo 021 467 2626.
7. ISebe leMfundo leNtshona Koloni liyayixhasa le nkqubo yokubekwa esweni kweemviwo yaye aliyithandabuzi into yokuba iinkqubo zeemviwo kwizikolo zalo zilawulwa ngokuthembekileyo. Ziyacelwa ke ngoko iintloko zamaziko emfundo achaphazelekayo ukuba zisebenzisane namagosa okubeka esweni iimviwo ngandlela zonke.
8. Aye acelwa amagosa okubeka esweni iimviwo ukuba makazixele kwi-ofisi yentloko yeziko xa efika aze enjenjalo naxa esimka. Ziyacelwa iintloko zamaziko ukuba zisayine isixhobo sokubeka esweni iimviwo (monitoring instrument) yaye ziqinisekise ukuba igosa lokubeka esweni iimviwo liyayisayina iRejista yaMagosa okuBeka eSweni iiMviwo (Register for Monitors).
9. Okuqhotyoshelwe apha zizixhobo eziya kusetyenziswa ngamagosa okubeka esweni iimviwo (iziHlomelo A no-B) xa atyelela amaziko okubhalela iimviwo.


ISAYINWE: NGU- BK SCHREUDER
INTLOKO: YESEBE LEMFUNDO
UMHLA: 2008:10:30


Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22

La maxwebhu alandelayo abhekisele kule kwingcaciso.
Sebenzisa i-Adobe Acrobat Reader® ukuwafunda okanye ukuwaprinta.
Klikha kwisihloko esingezantsi:  uxwebu luya kuvula i-Acrobat Reader® apho unokugcina okanye uprinte ikopi.
Ukubuyela kule kwingcaciso, klikha kwi logo ye-WCED Online ephezulu kwesi sikrini.
isiHlomelo A: "Instrument to be used for the monitoring of..."  (ubukhulu: 65 KB)
isiHlomelo B: "Report on monitoring of..."  (ubukhulu: 49 KB)