1. Die nasionale Departement van Onderwys nooi, in samewerking met South African History Online, alle skole uit om deel te neem aan die Nasionale Mondelingegeskiedenis-kompetisie vir die Nkosi Albert Luthuli-toekenning vir Jong Geskiedkundiges wat in 2005 van stapel gestuur is. Hierdie kompetisie vorm deel van die Departement se deelname aan die herdenking van belangrike geskiedkundige gebeurtenisse.
2. Dit is ook deel van die Departement se voortgesette inisiatief om alle leerders aan te moedig om 'n begrip te vorm van die breë geskiedenis van Suid-Afrika en van die rykdom van die geskiedenis van hulle plaaslike gemeenskappe. Dit is ook 'n geleentheid vir die jong leerders om ondervinding op te doen in die ontwikkeling van belangrike navorsingsvaardighede.
3. Die kompetisie is oop vir alle leerders van graad 8 tot graad 11 en alle Geskiedenis- en Sosiale Wetenskappe-onderwysers van sekondęre skole.
4. Kompetisie vir leerders
4.1 Leerders en onderwysers word uitgenooi om die South African History Online-webtuiste te besoek by www.sahistory.org.za vir inligting oor mondelingegeskiedenisnavorsing.
4.2 Leerders moet navorsing doen en 'n aanbieding of dokumentęre film of video maak oor een van die volgende onderwerpe:
  1. Ons onbekende helde: Doen 'n ondersoek na die lewe van 'n leier in jou gemeenskap en dui aan deur middel van mondelingegeskiendenis-navorsing hoe die persoon leierseienskappe getoon het en deur toewyding 'n verskil in die gemeenskap gemaak het.
  2. Ondersoek 'n voorbeeld van die plaaslike gemeenskap in jou omgewing se stryd teen apartheid, waar die gemeenskap saamgestaan het om hulle teenstand te demonstreer teen een of ander aksie van die apartheidsregering wat die plaaslike gemeenskap direk beïnvloed het.
  3. Ondersoek, deur onderhoude met mense te voer wat deelgeneem het aan die skepping van gemeenskapsgebaseerde organisasies of verskeie jeug-, vroue-, studente- en ander burgerlike affiliale wat by die United Democratic Front geaffilieer is, hoe die skepping van hierdie organisasies die lede van jou gemeenskap beïnvloed het.
  4. Ondersoek die heropbloei van die arbeidsbeweging wat ontstaan het met die Durban-stakings van 1973 en die impak van die mobilisering van die werkersklas op die gemeenskap.
  5. Ondersoek die rol wat lede van jou gesin, familie en/of gemeenskap gespeel het, hetsy in die Suid-Afrikaanse Weermag of die bevrydingsweermag, in die Suid-Afrikaanse oorlog teen Angola en ander naburige state in die 1980's.
  6. Ondersoek die geskiedenis van jou skool deur middel van onderhoude met voormalige leerders, ouers en ander lede van die gemeenskap, en kyk spesifiek na watter veranderinge in onderwys plaasgevind het, veral met betrekking tot gesindhede en organisasie.
4.3 Let asseblief op die volgende:
  • Die projek moet op mondelingegeskiedenis-navorsing gebaseer wees.
  • Leerders moet gehelp word wanneer hulle persone kies met wie onderhoude gevoer gaan word.
  • Leerders moet sterk aanbeveel word om 'n persoon of persone uit hulle plaaslike gemeenskap te kies.
  • Beoordeling sal plaasvind op grond van die gehalte van die navorsing eerder as op grond van die wyse van aanbieding.
  • Die aanbieding mag in enige van die amptelike tale wees.
5. Kompetisie vir Onderwysers
5.1 Onderwysers wat vir die kompetisie inskryf, moet 'n werksplan indien oor hoe hulle die mondelingegeskiedenis-projek beplan en in die klaskamer opgestel het.
5.2 Onderwysers moet hulle portefeuljes formeel voorlę aan 'n beoordelaarspaneel en moet voorbereid wees om aan 'n paneelbespreking oor die portefeulje deel te neem.
5.3 Opvoeders moet die volgende in 'n portefeulje vir die kompetisie insluit:
  • Hoe die mondelingegeskiedenis-projek in die klaskamer bekendgestel is
  • Watter verduideliking aan leerders gegee is oor die kies en benadering van moontlike onderhoudpersone, oor voorbereiding vir en afneem van onderhoude en die gebruik van die onderhoud as bewyse waaruit afleidings oor die deelname van daardie individu gemaak kan word
  • Watter intervensies die onderwyser gebruik het om die leerders by te staan om die projek af te handel
  • Wat die leerders na die onderwyser se mening geleer het uit die mondelingegeskiedenis-projek
6. Beoordeling
6.1 Beoordeling sal op 29 Augustus 2008 op 'n provinsiale vlak en op 1 Oktober 2008 by 'n nasionale geleentheid plaasvind.
6.2 Beoordelaarspanele wat bestaan uit geskiedkundiges en erfeniswerkers sal vir die provinsiale en nasionale beoordeling aangestel word.
7. Die nasionale geleentheid
7.1 Tien leerders van sekondęre skole in elke provinsie sal as Nkosi Albert Luthuli Jong Geskiedkundiges gekies word om die provinsie by die nasionale geleentheid in Oktober 2008 te verteenwoordig. Leerders sal by die geleentheid 'n mondelinge voordrag moet lewer oor hulle navorsing en sal 'n uitgedrukte afskrif van die navorsingsopstel aan beoordelaars moet voorlę.
7.2 Drie onderwysers uit elke provinsie sal gekies word om deel te neem aan die nasionale geleentheid in Oktober 2008. Onderwysers moet hulle werk aan 'n beoordelingspaneel voorlę.
8. Kriteria vir leerderbeoordeling is hierby aangeheg.
9. Indien u skool vir hierdie kompetisie wil inskryf, vul asseblief die aangehegte registrasievorm in en faks of e-pos dit aan die VOO of AOO Geskiedenis-kurrikulumadviseur of Sosiale Wetenskappe-kurrikulumadviseur by u distrikskantoor, wat ook meer besonderhede kan verskaf aangaande die beoordelingsproses.


GETEKEN: SM NAICKER
HOOF: ONDERWYS
DATUM: 2008:-5:28

Registrasievorm en Kriteria vir leerderbeoordeling  (grootte: 31 KB)