1. Die Menslikekapitaal-ontwikkelingstrategie (MKOS) strewe daarna om te verseker dat die jeug van die Wes-Kaap ontwikkel en ondersteun word sodat hulle daarin kan slaag om hulle drome te verwerklik.
2. Verskillende benaderings en strategieë word deur die WKOD gevolg (die leidende departement vir die MKOS) om te verseker dat die jeug in ons skole nie die geleenthede wat beskikbaar is in die provinsie, sowel as nasionaal en internasionaal, misloop nie
3. Daar word aanvaar dat vele van ons leerders in die landelike dele nie goed presteer in hulle graad 12-eksamen nie, en dit is 'n bron van kommer vir baie in die onderwyssektor. Verskeie oorsake dra by tot hierdie uitdaging.
4. Graad 12 word beskou as 'n baie moeilike en veeleisende jaar, en leerders wat hulle graad 12-eksamen aandurf, het dikwels ekstra ondersteuning en advies nodig.
5. Hierby aangeheg is 'n versameling van onderhoude met sommige van die top matrikulante wat hulle sienings en wenke vir sukses meedeel. Ons wil leerders, onderwysers en almal wat betrokke is by graad 12 vanjaar aanmoedig om aandag te gee aan die faktore wat hulle sukses beïnvloed het. Ons 2007 matrikulante bied goeie praktiese wenke aan. Die sentrale tema is die belangrikheid van harde werk, opoffering, toewyding en volharding.
6. Hierdie boekie is vir al die graad 12-leerders van 2008 en daar word vertrou dat dit leerders sal aanmoedig en inspireer om hard te werk en alles in te sit om sukses te kan behaal.
7. Vir enige verdere inligting, kontak die volgende persone:
Fiona Lewis:
filewis@pgwc.gov.za
021 467 9346

Vumile Nyalashe:
vnyalash@pgwc.gov.za
021 467 9350

Zaahida Hartley:
zhartley@pgwc.gov.za
021 467 9354


GETEKEN: S.M. NAICKER
HOOF: ONDERWYS
DATUM: 2008:03:03