| 1. |
Onderwysbeplanningsminuut 0004/2007 het die implementeringstrategie aangekondig vir die Program vir Gehalteverbetering, Ontwikkeling, Ondersteuning en Opheffing (PGOOO) in Nasionale Kwintiele 1 & 2-skole.
|
| 2. |
U skool het 'n oordragbetaling ontvang vir die betaling van die plaasvervangeropvoeder wat ingestaan het vir 'n opvoeder wat gegaan het vir opleiding in Biblioteekbestuur vanaf 4 Februarie tot 15 Februarie 2008.
|
| 3. |
Vir besonderhede oor hoe om verantwoording te doen van geld wat ontvang is, verwys na die Wetsooreenkoms tussen die Wes-Kaap Onderwysdepartement (WKOD) en u skool wat by hierdie minuut aangeheg is. Die ooreenkoms moet onderteken word, soos aangedui, deur die prinsipaal en twee getuies. Die oorspronklike dokument moet terugbesorg word aan die Onderwyshoof, WKOD, vir die aandag van: mnr WJ Mercuur, Kamer 541, Grand Central-gebou, Privaatsak X9114, Kaapstad, 8000.
|
| 4. |
Alle oorspronklike fakture moet binne vyf dae na die diens gelewer is per geregistreerde pos gestuur word aan die Onderwyshoof, WKOD, vir die aandag van me V. Madasi, PGOOO, Kamer 541, Grand Central-gebou, Privaatsak X9114, Kaapstad, 8000.
|
GETEKEN: S.M. NAICKER
HOOF: ONDERWYS
DATUM: 2008:02:28
|