1. Met die volvoering van die kurrikulumverandering wat in 1998 van stapel gestuur is, sal leerders dwarsdeur Suid-Afrika aan die einde van 2008 vir die eerste keer in 'n enkele, nasionale kurrikulum onderrig wees.
2. Leerders van graad R tot graad 12 is nou ten volle deel van die uitkomsgebaseerde Nasionale Kurrikulumverklaring en die matrikulante van 2008 sal die eerste groep leerders wees wat die finale eksamen vir die Nasionale Senior Sertifikaat skryf. Dit sal 'n kwalifikasie wees wat die standaard vir die toekoms stel.
3. Al die vakeksamens op graad 12-vlak is op nasionale vlak opgestel, en die uitslae behoort 'n goeie maatstaf te wees vir die doeltreffendheid van die nuwe kurrikulum.
4. Met die oog op hierdie historiese mylpaal, wil die LUR vir Onderwys in die Wes-Kaap, Yousuf Gabru, prinsipale en onderwysers ontmoet om die uitdagings te bespreek wat hulle met die implementering van die nuwe kurrikulum ondervind het, en om na hulle suksesverhale te luister en raad oor beste praktyke uit te ruil.
5. Die LUR sal ook aanbevelings, idees en inligting van die prinsipale en onderwysers verwelkom oor hoe om die oogmerke van die kurrikulum die beste te bereik.
6. Die besonderhede van die eerste besprekingsessie wat gehou sal word, is soos volg:

ONDERWYSDISTRIKDATUMPLEKAANVANGSTYD
Metro-Oos, -Noord,
-Suid & -Sentraal		6 NovemberWes-Kaapse
Sportskool		15:00
7. Die Wes-Kaap Sportskool is in Kuilsrivier geleë, aangrensend aan die Onderwysdistrikskantoor Metro-Oos.
8. Aanwysings na die Sportskool is aangeheg.
9. Onderwysers uit ander onderwysdistrikte sal op 'n later tydstip die geleentheid hê om aan 'n soortgelyke inisiatief deel te neem.
10. Bring asseblief hierdie inligting onder die aandag van al die onderwysers by u skool.


GETEKEN: S.M. NAICKER
HOOF: ONDERWYS
DATUM: 2008:10:17

Padkaart  (grootte: 50 KB)