| |
Dit is vir die Wes-Kaap Onderwysdepartement (WKOD) aangenaam om u in te lig dat u skool buitenshuise toerusting in die vorm van 'n klimraam en omheining vir die speelarea sal verkry met fondse uit die 2008/2009 finansiële jaar van die PGOOO-program, wat onder andere ten doel het om die gehalte van voorsiening in graad R-klasse en gevolglik oor die gehalte van onderrig en leer te verbeter.
|
| |
U skool word gevolglik versoek om 'n rowwe skets van die skool se kampus aan die WKOD te faks, waarop u moet aandui waar die omheining van ongeveer 25 x 4 = 100 m opgerig moet word in verhouding tot die graad R-klas.
|
| |
Skole op privaateiendom moet skriftelike toestemming vir die oprigting van die heining en die klimraam bekom. Hierdie goedkeuring en 'n goedkeuringsbrief van die skoolbeheerliggaam vir openbare skole moet voor 14 Junie 2008 by faksnommer 021 467 2697 by die WKOD ingedien word.
|
| |
Indien u enige navrae het, skakel gerus met me Vuyelwa Madasi (Projekbestuurder: PGOOO) by 021 467 9358 of Victoria Tsukudu (Inrigtingsbestuur- en -beheerbeplanning) by 021 467 2591.
|
| |
Bring asseblief hierdie minuut onder die aandag van personeel, VKO-opvoeders en lede van die SBL.
|
| |
U samewerking sal waardeer word.
|
GETEKEN: SM NAICKER
HOOF: ONDERWYS
DATUM: 2008:06:02
|