| 2.1 |
Inskrywings van voltydse leerders in alle openbare gewone en onafhanklike skole vir die nasionale Senior Sertifikaat-eksamen, November 2008, sal via die SOBIS-databasis hanteer word.
|
| 2.2 |
Maak asseblief seker dat alle leerders se gegewens korrek is en dat die vakke geverifieer is en afgeteken is deur elke leerder en ouer.
|
| 2.3 |
U is versoek om seker te maak dat die data op die SOBIS-databasis vir alle graad 12-leerders teen 4 Maart 2008 opgedateer was. Die Direktoraat: Eksamens sal die inligting aflaai op Maandag, 17 Maart 2008.
|
| 2.4 |
U sal voorsien word van 'n rekenaardrukstuk in April 2008 van al u leerders op die SOBIS geregistreer soos op 4 Maart 2008, wat nagegaan en geverifieer moet word en aan hierdie kantoor terugbesorg moet word teen 16 Mei 2008.
|
| 2.5 |
Dit is van die uiterste belang dat leerders in besit moet wees van 'n geldige ID-dokument met strepieskode, aangesien die 13-syfer ID-nommer in graad 12 as hulle eksamennommer gebruik sal word.
|
| 2.6 |
Vanaf 2008 sal daar nie meer 'n kategorie vir privaatleerders wees nie. Skole sal dus nie meer nie-presterende leerders, of leerders met unieke omstandighede, vanaf voltyds na privaat kan verskuif nie. Hulle sal voltydse leerders bly.
|
| 3.1 |
Die Nasionale Departement van Onderwys het besluit om die registrasie van privaat leerders vanaf 2008 af te skaf. Sodanige privaat leerders sal verbonde moet wees aan 'n inrigting. Sulke leerders sal DASS-punte moet voorlę, anders sal hulle onvoltooide resultate kry.
|
| 3.2 |
Die huidige eksamenstelsel maak nie voorsiening vir die aanlynregistrasie van deeltydse (BOOV-) leerders nie. Inrigtings wat leerders volgens die nuwe Nasionale Senior Sertifikaat-kurrikulum voorberei het, moet derhalwe by die Direktoraat: Eksamens aansoek doen om inskrywingsvorms. Die voltooide inskrywingsvorms moet hierdie kantoor bereik nie later nie as 23 April 2008.`
|
| 4. |
Die Departement ervaar elke jaar groot probleme met die finalisering van eksameninskrywings as gevolg van foute. Dan word daar ook vele versoeke gerig om vakveranderinge nadat die inskrywings gefinaliseer is, en selfs gedurende die eksamen. In 'n hele klomp gevalle is leerders nie eers geregistreer nie, en is dit eers ontdek nadat die leerdertoelatingsbriewe uitgegee is. U sal besef dat hierdie versoeke geweldige probleme veroorsaak tydens die prosessering van uitslae en ook 'n addisionele werklas op die Direktoraat: Eksamens plaas. Maak dus asseblief seker dat die registrasie van leerders in elke opsig korrek is. Tydens die November 2007-eksamen het sommige leerders hulle vakke onregmatig verander op 'n baie laat stadium. Dit het baie probleme geskep. Sodanige optrede kan daartoe lei dat uitslae nietig verklaar word.
|
| 5. |
U samewerking sal waardeer word.
|
GETEKEN: A.P. CLAUSEN
HOOF: ONDERWYS
DATUM: 2008:03:17
|