| 1. |
U word verwys na Eksamenadministrasieminuut no. DEA/0030/2007, van 28 Junie 2007.
|
| 2. |
Soos u voorheen ingelig is, is die toetsing geskuif na die graad 9-vlak, en, alhoewel meer toetse bygevoeg sou word, sal die toetse weereens slegs in Tale en Wiskunde afgeneem word as gevolg van die kostefaktor. U word ook daaraan herinner dat hierdie toetse verpligtend is vir alle graad 9-leerders in die WKOD se hoofstroomskole. Die toetsing is bepaal vir die tweede kwartaal van 2008, nl. Maandag, 21 April 2008, (Tale) en Woensdag, 23 April 2008 (Wiskunde). Elke toets duur 90 minute.
|
| 3. |
Let asseblief daarop dat die Direktoraat: Eksamenadministrasie van die WKOD die Sentrale Onderwysbestuurinligtingstelsel (SOBIS) se databasis gebruik om leerders vir hierdie toetse te registreer. Slegs leerders wat op die SOBIS geregistreer is op 4 Maart 2008 moet toegelaat word om hierdie toetse op 21 en 23 April 2008 te skryf. Geen tekorte van vraestelle of enige SOBIS-byvoegings na 4 Maart 2008 sal in ag geneem word nie.
|
| 4. |
Waar Afrikaans die taal van leer en onderrig is, sal toetsvraestelle in Afrikaans verskaf word. Waar Engels die taal van leer en onderrig is, sal toetsvraestelle in Engels verskaf word, behalwe in skole waar Xhosa die huistaal van die meerderheid leerders is. By hierdie skole neem die leerlinge die leerarea genaamd Tale: Xhosa Huistaal. Hierdie skole sal taaltoetsvraestelle kry waarin Deel 1 in Xhosa opgestel is (om in Xhosa beantwoord te word) en Deel 2 in Engels opgestel is (om in Engels beantwoord te word).
|
| 5. |
'n Spesiale versoek word dus aan skole gerig om hulle graad 9-leerdergegewens op die SOBIS by te werk teen nie later nie as 4 Maart 2008.
|
| 6. |
U samewerking sal baie waardeer word.
|
GETEKEN: A.P. CLAUSEN
HOOF: ONDERWYS
DATUM: 2008:02:28
|